କଟକ: ଚୋରି କଲେ ଫସିବ ଚୋର । ସେମାନଙ୍କ ଉପରେ ପୋଲିସର ରଖିଛି କଡ଼ା ନଜର। କାରଣ କମିଶନରେଟ ପୋଲିସ ଚୋରି ରୋକିବା ପାଇଁ ଆରମ୍ଭ କରିଛି ପ୍ରହର । ସିଲଭର ସିଟିରେ ସନ୍ଧ୍ୟା ହେଲେ କଳା କନା ବୁଲାଉଥିବା ଚୋର ଓ ଲୁଟେରା ଏବେ ପାଇବେ ପାନେ । କାରଣ କମିଶନରେଟ ପୋଲିସ ନିର୍ମାଣ କରିଛି ଏପରି ସୁରକ୍ଷା ବଳୟ । ଯେଉଁଥିରୁ ମୁକୁଳି ପାରିବେ ନାହିଁ ଚୋର।
ଶନିବାର ଠୁ ଆଜି ଭିତର 3 ଚୋରଙ୍କୁ ଗିରଫ କରିସାରିଲେଣି ପୋଲିସ । ତେବେ ଗତକାଲି ଲାଲବାଗ ଅଞ୍ଚଳରୁ ସୟିଦ ରସଦ ଅଲି ଓ ସଦିକ୍ୟୁର ରେହେମାନ ଅନେକ ଦାମୀ ମୋବାଇଲ , ଟଙ୍କା, ଆବଶ୍ୟକୀୟ କାଗତପତ୍ର ଓ ଗହଣା ଚୋରି ମାମଲାରେ ସେମାନଙ୍କୁ ଗିରଫ କରାଯାଇଛି ।
ସେହିପରି ଆଜି ଗଣ୍ଡରପୁର ଅଞ୍ଚଳରୁ ଦୁଷ୍ମନ୍ତ ସୁବୁଦ୍ଧି ନାମକ ବ୍ୟକ୍ତିକୁ 5 ଟି ସ୍କୁଟି ଓ ଏକ ଲ୍ୟାପଟପ ଚୋରି ମାମଲାରେ ଗିରଫ କରାଯାଇଛି । ତେବେ ଉଭୟ ଙ୍କୁ ପଚରାଉଚରା ପରେ କୋର୍ଟ ଚାଲାଣ କରିଛି କମିଶନରେଟ ପୋଲିସ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
