କଟକ: ଚାଉଳିଆଗଞ୍ଜ ଥାନା ପୋଲିସକୁ ସଫଳତା । ବିଭିନ୍ନ ଘଟଣାରେ ସମ୍ପୃକ୍ତ ଥିବା 4 ଡକାୟତଙ୍କୁ ଗିରଫ କରିଛି ପୋଲିସ । ସେମାନଙ୍କ ନିକଟରୁ ଗୋଟିଏ ଦେଶୀ ବନ୍ଧୁକ, ୩ ଟି ଜୀବନ୍ତ ଗୁଳି, ଗୋଟିଏ ଚାପଡ଼, ଗୋଟିଏ ଟିଭିଏସ ବାଇକ, ଗୋଟିଏ ବୁଲେଟ ଗାଡି, ୪ ଟି ମୋବାଇଲ, ଗୋଟିଏ ଟର୍ଚ୍ଚ ଜବତ କରିଛି କମିଶନରେଟ ପୋଲିସ ।
ଚାଉଳିଆଗଞ୍ଜ ଥାନା ପୋଲିସକୁ ସଫଳତା, 4 ଡକାୟତ ଗିରଫ
ରବିବାର ସନ୍ଧ୍ୟା ସମୟରେ ଚାଉଳିଆଗଞ୍ଜ ଗାନ୍ଧୀ ଛକ ଠାରେ ଏମାନେ ଡକାୟତ ପାଇଁ ଯୋଜନା କରୁଥିବା ବେଳେ ଖବର ପାଇ ଚାଉଳିଆଗଞ୍ଜ ଥାନା ପୋଲିସ ପହଞ୍ଚି ଚଢଉ କରିଥିଲା । ଘଟଣାରେ ୨ ଜଣ ଖସି ପଳାଇଯାଇଥିବା ବେଳେ ଏହି ୪ ଜଣଙ୍କୁ ଗିରଫ କରିଛି ପୋଲିସ। ଗିରଫ ହୋଇଥିବା ଅଭିଯୁକ୍ତ ମାନେ ହେଲେ ସୋମ ଓରଫ ସୋମନାଥ ସାହୁ, ଦିପୁ ଓରଫ ଜିତେନ୍ଦ୍ର ସାହୁ, ବାପୁନ ଓରଫ ରାମଚନ୍ଦ୍ର ନନ୍ଦ, ରଶ୍ମିରଞ୍ଜନ ସ୍ବାଇଁ । ଏମାନେ ସମସ୍ତେ ଟିଟୋ ଗ୍ୟାଙ୍ଗର ବୋଲି ଜଣାପଡିଛି । ତେବେ ଏମାନଙ୍କ ବିରୋଧରେ ବିଭିନ୍ନ ଥାନାରେ ଅନେକ ଅପରାଧିକ ମାମଲା ରହିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
