ନିଆଳି: ଜାଗା ବିକ୍ରିକୁ ନେଇ ବୋମାମାଡ଼ ଫଳରେ ଏଥିରେ ୨ଜଣ ଆହତ ହୋଇଛନ୍ତି । ଖୋର୍ଦ୍ଧା ଜିଲ୍ଲା ସରକଣା ଠାରେ ଥିବା ଏକ ଘରୋଇ ହସ୍ପିଟାଲ ସମ୍ମୁଖରେ ଗତକାଲି ବିଳମ୍ବିତ ରାତିରେ ଏହି ବୋମାମାଡ ହୋଇଛି । ପ୍ଲଟିଂ ସ୍କିମ ଜାଗା ବିକ୍ରିକୁ ନେଇ ସେଠାରେ ଥିବା ଆଉଟ ହାଉସ ଏକ ଟିଣ ଛପର ଘର ଉପରକୁ କେହି ଦୁର୍ବୃତ୍ତ ବୋମା ମାଡ଼ କରିଥିଲେ ।
ଜାଗା ବିକ୍ରିକୁ ନେଇ ବୋମାମାଡ଼, ୨ ଆହତ
ଏହି ଘଟଣାପରେ ଉକ୍ତ ସଂସ୍ଥାର ଦୁଇ ଜଣ କର୍ମଚାରୀ ରାଜା ଏବଂ ବାବୁଲି ଆହତ ହୋଇଥିଲେ । ଏନେଇ ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚିଥିବା ବେଳେ ଉତ୍ତେଜନା ଲାଗି ରହିଛି । ଦୁଇ ଆହତଙ୍କୁ ବାଳକାଟୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା କରାଯାଉଥିବା ସୂଚନା ମିଳିଛି । ତେବେ କେଉଁ କାରଣକୁ କେନ୍ଦ୍ର କରି ଓ କିଏ ଏହି ବୋମାମାଡ କରିଛି ସେନେଇ ପୋଲିସ ତଦନ୍ତ ଆରମ୍ଭ କରିଛି ।
ନାଆଳିରୁ ଉମେଶ ଚନ୍ଦ୍ର ମଲ୍ଲିକ ଓ ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
