କଟକ: ପୋଲିସ ହ୍ୟାଣ୍ଡକପରେ ବାଇକ ଲୁଟେରା । ଦୀର୍ଘ ଦୁଇରୁ ତିନି ମାସ ଧରି କଟକ ସହରର ଗଳିକନ୍ଦିରୁ ବାଇକ ଚୋରି କରି ଫେରାର ହୋଇଯାଉଥିଲେ ଏହି ଲୁଟେରା ଗ୍ୟାଙ୍ଗ । ଯଦ୍ବାରା ବାଇକ ଲୁଟ ନେଇ ଥାନାରେ ଅନେକ ଅଭିଯୋଗ ହୋଇଥିଲା । ଶେଷରେ ଏହି ଲୁଟେରା ଗ୍ୟାଙ୍ଗର ପର୍ଦ୍ଦାଫାଶ କରିଛି ପୋଲିସ । ଘଟଣାରେ ଚାରି ଜଣଙ୍କୁ ଗିରଫ କରାଯିବା ସହ କିଛି ଚୋରି ବାଇକ ମଧ୍ୟ ଜବତ କରାଯାଇଛି ।
ପୋଲିସ ହ୍ୟାଣ୍ଡକପରେ ବାଇକ ଲୁଟେରା ଗ୍ୟାଙ୍ଗ
ସୂଚନାଯୋଗ୍ୟ, ଏହି ଲୁଟେରା ଗ୍ୟାଙ୍ଗ ବିଶେଷକରି ଦାମୀ ଗାଡି ଚୋରି ପାଇଁ ଯୋଜନା ରଚିଥାନ୍ତି । ଏହାସହ ଚେନ୍, ମୋବାଇଲ ଓ ଅନ୍ୟାନ୍ୟ ଦାମୀ ସାମଗ୍ରୀକୁ ମଧ୍ୟ ଟାର୍ଗେଟ କରିଥାନ୍ତି । ତେବେ ଏହି ବାଇକ ଚୋରି ନେଇ ଥାନାରେ ଅଭିଯୋଗ ପରେ ତଦନ୍ତ ଆରମ୍ଭ କରିଥିଲା ପୋଲିସ । ଶେଷରେ ମଙ୍ଗଳବାର ଦିନ ଗାଡି ଚୋରି ମାମଲାରେ 4 ଜଣଙ୍କୁ ଗିରଫ କରାଯାଇଛି । ଘଟଣାରେ ତଦନ୍ତକୁ ଆହୁରି ଜୋରଦାର କରାଯାଇ ଗ୍ୟାଙ୍ଗରେ ସାମିଲ ଅନ୍ୟ ଲୁଟେରାଙ୍କୁ ଗିରଫ କରାଯିବା ନେଇ କଟକ ଜୋନ 2 ଏସିପି ସୂଚନା ଦେଇଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
