କଟକ: ସରକାରୀ ଚାକିରି ଦେବା ବାହାନାରେ ଯୁବକଙ୍କୁ ଠକେଇ । ଠକେଇର ଶିକାର ହେଉଥିଲେ ଆନ୍ଧ୍ର ଯୁବକ । ଆଉ ଠକେଇ ଗ୍ୟାଙ୍ଗ ପଛରେ ରହିଥିଲେ ଓଡିଶାର ଯୁବକ । ଏହି ଠକେଇ ଗ୍ୟାଙ୍ଗର ସଦସ୍ୟଙ୍କୁ ଗିରଫ କରିଛି ବିଜୟନଗରମ ପୋଲିସ । ଏନେଇ ସୂଚନା ଦେଇଛନ୍ତି ନେମାଳ ଥାନା ଅଧିକାରୀ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଗିରଫ ଯୁବକ ମାନେ ହେଲେ ଭୁବନେଶ୍ବରର ଶୁଦ୍ଧେନ୍ଦୁ ମହାପାତ୍ର, ସନ୍ତୋଷ ବିଶ୍ବାଳ ଓ କଟକର ଶୁଭମ ସିଂ । ଏମାନେ ଆନ୍ଧ୍ର ଯୁବକଙ୍କ ସହ ମିଶି ଚାକିରିର ପ୍ରଲୋଭନ ଦେଖାଇ ଯୁବକ ମାନଙ୍କ ଠାରୁ ଲକ୍ଷ ଲକ୍ଷ ଟଙ୍କା ଲୁଟୁଥିଲେ । ଏନେଇ ଅଭିଯୋଗ ହେବା ପରେ ବିଜୟନଗରମ ପୋଲିସ ଓଡିଶାର 3 ଯୁବକଙ୍କ ସହ ଆନ୍ଧ୍ରର 3 ଯୁବକଙ୍କୁ ଗିରଫ କରିଛି । ସେପଟେ ଶୁଭମ ସିଂଙ୍କୁ ଅପହରଣ କରାଯାଇଥିବା ନେଇ ଥାନାରେ ଅଭିଯୋଗ କରିଥିଲେ ପରିବାର ଲୋକେ । ଘଟଣା ଜଣାପଡିବା ପରେ ନେମାଳ ପୋଲିସ ସ୍ପଷ୍ଟ କରିଛି ଅପହରଣ ନୁହେଁ ବଂର ସେମାନଙ୍କୁ ଗିରଫ କରାଯାଇଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
