କଟକ: ଚର୍ଚ୍ଚିତ ଷ୍ଟାର ଦମ୍ପତି ବର୍ଷା ଅନୁଭବ ବିବାଦ ଥମିବାର ନାଁ ନେଉନାହିଁ । ସ୍ୱାମୀ ଅନୁଭବଙ୍କ ନାଁରେ ପୁଣି ସାଙ୍ଘାତିକ ଅଭିଯୋଗ ଆଣିଛନ୍ତି ବର୍ଷା ।
ପୁରୀଘାଟ ଥାନାରେ ଅନୁଭବଙ୍କ ନାମରେ ପୁଣି ଏତଲା ଦେଇଛନ୍ତି ବର୍ଷା ପ୍ରିୟଦର୍ଶିନୀ । ଏତଲା ଆଧାରରେ ଅନୁଭବଙ୍କ ଘରେ ପୋଲିସ ପହଞ୍ଚିବା ପରେ ପୁଣି ଘଟଣାକୁ ନେଇ ଚର୍ଚ୍ଚା ବଢିଛି ।
ସୂଚନା ଅନୁଯାୟୀ, ଗତ ରାତିରେ ବର୍ଷାଙ୍କ ରୁମରେ ତାଲା ପକାଇ ଦେଇଥିଲେ ଅନୁଭବ। ଫଳରେ ରାସ୍ତାରେ ପ୍ରାୟ ଏକ ଘଣ୍ଟା ଛିଡ଼ା ହୋଇ ରହିଥିଲେ । କୋର୍ଟଙ୍କ ନିର୍ଦ୍ଦେଶ ଥିଲେ ମଧ୍ୟ ଘରେ ରହିବାକୁ ବାଧା ଦେଉଛନ୍ତି ଅନୁଭବ । ନିଜ ଏତଲାରେ ଏହା ଉଲ୍ଲେଖ କରିଛନ୍ତି ବର୍ଷା । ଅନୁଭବଙ୍କ ସହିତ ତାଙ୍କର ୨ ସହଯୋଗୀଙ୍କ ନାମରେ ମଧ୍ୟ ଅଭିଯୋଗରେ ଦର୍ଶାଇଛନ୍ତି ବର୍ଷା ।
କଟକରୁ ନାରାୟଣ ସାହୁ, ଇଟିଭି ଭାରତ
