କଟକ: ନକଲି ଖାଇବା ତେଲ କାରଖାନା ଠାବ ପରେ ଆକ୍ସନ ମୁଡରେ କମିଶନରେଟ୍ ପୋଲିସ । ଉକ୍ତ ଘଟଣାରେ ଗୁରୁବାର ମାଲଗୋଦାମ ସ୍ଥିତ ବିଭିନ୍ନ ଦୋକାନ ଗୁଡିକରେ ଚଢାଉ କରାଯାଇ ଯାଞ୍ଚ ହୋଇଛି । ସଦର ଥାନା ଓ ମାଲଗୋଦାମ ଥାନାର ମିଳିତ ଉଦ୍ୟମରେ ଏହି ଚଢାଉ କରାଯାଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ତେବେ ଏହି ନକଲି ତେଲ କେଉଁ କେଉଁ ଦୋକାନକୁ ପଠାଯାଇଥିଲା ଏବଂ ଦୋକାନମାନଙ୍କରେ କେତେ ପରିମାଣର ତେଲ ରହିଛି ସେଗୁଡିକୁ ଯାଞ୍ଚ କରିଥିଲା ପୋଲିସ । ସୂଚନାନୁସାରେ, ଗତକାଲି ସନ୍ଧ୍ୟାରେ ସଦର ଥାନା ପୋଲିସ ଏକ ନକଲି ଖାଇବା ତେଲ କାରଖାନା ଠାବ କରି 30 ହଜାର ଲିଟରରୁ ଅଧିକ ନକଲି ତେଲ ଜବତ କରିଥିଲା । ଘଟଣାରେ କାରଖାନାର ମାଲିକ ଓ ମ୍ୟାନେଜରକୁ ଗିରଫ କରାଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
