କଟକ: ଚାନ୍ଦବାଲି ରାସ୍ତାର ପଣସ ପଡିଆଠାରେ ବାଇକ-କାର ମୁହାଁମୁହିଁ ଧକ୍କା। ଫଳରେ ଏଥିରେ 3 ଜଣ ଗୁରୁତର ହୋଇଥିଲେ। ସେମାନଙ୍କୁ ପ୍ରଥମେ ନିଶ୍ଚିତକୋଇଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା। ସେମାନଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ କଟକ ବଡ଼ ମେଡ଼ିକାଲକୁ ପଠାଯାଇଛି।
ଭିଡିଓ ସୌଜନ୍ୟ; ସମ୍ବାଦଦାତା, କଟକ
ଗୁରୁତର 3ଜଣ ହେଉଛନ୍ତି, କଟକ ଜିଲ୍ଲା ସାଲେପୁର ଥାନା ଅଞ୍ଚଳର ଜୟଦେବ ବେହେରା, କମଳାକାନ୍ତ ବେହେରା ଓ ସାଲେପୁର ବୋଦାମୁଣ୍ଡାଇ ଅଞ୍ଚଳର ପଙ୍କଜ ବେହେରା। ତେବେ ବାରମ୍ବାର ପଣସ ପଡିଆ ଛକ ଠାରେ ଦୁର୍ଘଟଣା ଘଟୁଥିବାରୁ ଲୋକଙ୍କ ମଧ୍ୟରେ ଭୟ ସୃଷ୍ଟି ହୋଇଛି l
କଟକରୁ ନାରାୟଣ ସାହୁ, ଇଟିଭି ଭାରତ
