କଟକ: ଆସୁଛି ପାର୍ବଣ ଋତୁ । ପାର୍ବଣ ଋତୁ ପୂର୍ବରୁ ମା‘ଙ୍କ ଆଗମାନ ପାଇଁ କଟକରେ ଚାଲିଛି ଜୋରସୋର ପ୍ରସ୍ତୁତି । ପାର୍ବଣକୁ ନେଇ କଟକ ମହାନଗର ଶାନ୍ତି କମିଟି ତରଫରୁ ଆସନ୍ତା ଦୁର୍ଗାପୂଜା ପାଇଁ ଆୟୋଜିତ ହୋଇଛି ପ୍ରସ୍ତୁତି ବୈଠକ । ‘ମଦ ମୁକ୍ତ ଭସାଣି’ ଆଉ ‘ଡିଜେ ମୁକ୍ତ ରୋଶଣୀ’ ନାରା ନେଇ ଏଥର ଶାନ୍ତି କମିଟି ପାଳନ କରିବ ପାର୍ବଣ ଋତୁ । ପ୍ରଶାସନିକ ସହଯୋଗ ଏବଂ ସିଙ୍ଗଲ୍ ୱିଣ୍ଡୋ ଅପରେସନ ମାଧ୍ୟମରେ ଏଥର ସମସ୍ତ ପୂଜା ପାଇଁ ଅନୁମତି ଯାଇଥିବା କହିଛନ୍ତି ପୋଲିସ କମିଶନର ।
ରଘୁନାଥଜୀଉ ମନ୍ଦିର ପ୍ରାଙ୍ଗଣରେ ଆୟୋଜିତ ପ୍ରସ୍ତୁତି ବୈଠକରେ କଟକ ଜିଲ୍ଲା ସମସ୍ତ ନିର୍ବାଚିତ ପ୍ରତିନିଧି, ପୂର୍ବତନ ନିର୍ବାଚିତ ପ୍ରତିନିଧି, ପୋଲିସ କମିଶନର, ଶାନ୍ତି କମିଟିର କର୍ମକର୍ତ୍ତା ସହିତ ସମସ୍ତ ପୂଜାମଣ୍ଡପ ସାମିଲ ହୋଇଥିଲେ । ପୂଜା ସମୟରେ ବିଭିନ୍ନ ସମସ୍ୟାକୁ ନେଇ ଚର୍ଚ୍ଚା କରାଯାଇଥିଲା । ସ୍ୱାଭାବିକ ତଥା ଶାନ୍ତି ଶୃଙ୍ଖଳା ସହିତ ପାର୍ବଣକୁ ପାଳନ କରିବାକୁ ଶାନ୍ତିକମିଟି ତରଫରୁ ସମସ୍ତ ପକ୍ରିୟା ଆରମ୍ଭ ହୋଇ ସାରିଛି ।
ମହାନଗର ଶାନ୍ତି କମିଟି ସଭାପତି ଦେବେନ୍ଦ୍ର ନାଥ ସାହୁ କହିଛନ୍ତି, "ଚଳିତ ବର୍ଷ ଦୁର୍ଗାପୂଜା 20 ତାରିଖରୁ ଆରମ୍ଭ ହୋଇ 24 ତାରିଖରେ ସରିବ । 25 ତାରିଖରେ ଭସାଣି କରାଯିବ ବୋଲି ଶାନ୍ତି କମିଟି ସଭାରେ ପ୍ରସ୍ତାବ ଗୃହୀତ ହୋଇଛି । ରାତି 12ଟା ପର୍ଯ୍ୟନ୍ତ ମେଲୋଡି ତଥା ଡାକବାଜି ଯନ୍ତ୍ର ବଜାଇବା ନେଇ ପ୍ରଶାସନକୁ ନିବେଦନ କରାଯାଇଛି । ତେବେ ସମସ୍ତ ନିବେଦନ ଉପରେ ସରକାର ନିଷ୍ପତ୍ତି ନେବେ ବୋଲି ପୋଲିସ କମିଶନର କହିଛନ୍ତି । ଅନ୍ୟପଟେ ଦଶହରା ପୂର୍ବରୁ ସହରର ସମସ୍ତ ରାସ୍ତା ଘାଟ ମରାମତି କାଯ୍ୟ ସାରିବାକୁ ପ୍ରତିଶୃତି ଦେଇଛନ୍ତି କଟକ ମହାନଗର ନିଗମ ମେୟର । ଚଳିତ ବର୍ଷ ଦୁର୍ଗାପୂଜା ନିଶ୍ଚିତ ଭାବରେ ମହାଆଡ଼ମ୍ବର ଏବଂ ଶାନ୍ତିଶୃଙ୍ଖଳା ସହିତ ସମାପନ ହେବ ।"
କଟକ ସହର ଚଳିତ ବର୍ଷ ସୃଷ୍ଟି କରିବ ଇତିହାସ । ଶାନ୍ତି ଶୃଙ୍ଖଳା ସହିତ ମଦମୁକ୍ତ ଭସାଣି ଅନୁଷ୍ଠିତ ହେବ। ଆଉ ଡିଜେ ମୁକ୍ତ ରୋଷଣୀ କରି ସାରା ରାଜ୍ୟ ଦିଆଯିବ ଶାନ୍ତି ଆଉ ଭାଇଚାରାର ବ୍ରାତା । 170 ରୁ ମଣ୍ଡପରୁ 29 ମଣ୍ଡପରେ ମା‘ ଙ୍କର ଚାନ୍ଦି ମେଢ ହେବ । ନୃତନ କରି ମହମଦିଆ ବଜାର ଓ କାଫ୍ଲା ବଜାର ପୂଜା କମିଟିରେ ମା‘ ଜଗତ ଜନନୀ ଚାନ୍ଦି ମେଢ଼ରେରେ ନଜର ଆସିବା ନେଇ ପୂଜା କମିଟିଗୁଡ଼ିକୁ ପକ୍ଷରୁ କୁହାଯାଇଛି ।
ଇଟିଭି ଭାରତ, କଟକ
