କଟକ: ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ କରି ୫୧ ଲିଟର ଦେଶୀ ମଦ ଜବତ କରିବା ସହ ୪ ଜଣଙ୍କୁ ଗିରଫ କରିଛି । ସୂଚନାନୁଯାୟୀ, ଭୀରୁଡ଼ା ଅଞ୍ଚଳରୁ ୧୫ ଲିଟର ଚୋରା ଦେଶୀମଦ ଚୌଦ୍ବାରକୁ ଚାଲାଣ ହେଉଥିବା ସୂଚନା ପାଇ ଅବକାରୀ କର୍ମଚାରୀ ମାନେ ବିଭିନ୍ନ ସ୍ଥାନରେ ଚଢ଼ାଉ କରିଥିଲେ। ଫଳରେ କନ୍ତଲ ସାପୁଆ ବ୍ରିଜ ନିକଟରୁ ମଦ ସହ ସ୍କୁଟର ଜବତ ହୋଇଥିଲା ।
ସେହିପରି ଶାଳଗାଁ ରେଳ ଷ୍ଟେସନଠାରୁ ୧୪ ଲିଟର ମଦ ଏବଂ ମଣିଆ ଓସିଏଲ ଗେଟ ପାଖରୁ ଗଙ୍ଗା ଥାନା ଅନ୍ତର୍ଗତ ମଣିଆ ଗ୍ରାମରୁ ୨୨ ଲିଟର ମଦ ଜବତ କରାଯାଇଛି । ଚୋରା ମଦ ବେଆଇନ ଭାବରେ ବିକ୍ରି କରିବା ଅଭିଯୋଗରେ ବିଭିନ୍ନ ସ୍ଥାନରୁ ୪ ଜଣଙ୍କୁ ଗିରଫ କରିବା ସହ ୫୧ ଲିଟର ଦେଶୀ ମଦ ଜବତ କରାଯାଇଥିବା ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି।
କଟକରୁ ନାରାୟଣ ସାହୁ, ଇଟିଭି ଭାରତ
