କଟକ: ପଶ୍ଚିମବଙ୍ଗ ଯାଇଥିବା ୩ ଶହ ଅଗ୍ନିଶମ କର୍ମଚାରୀଙ୍କୁ ସମ୍ବର୍ଦ୍ଧିତ କରାଯିବ । ଏନେଇ ସୂଚନା ଦେଇଛନ୍ତି ଓଡିଶା ଅଗ୍ନିଶମ ବିଭାଗ ଆଇଜି ଅସିତ ପାଣିଗ୍ରାହୀ । ବାତ୍ୟା ଅମ୍ଫନର ପରବର୍ତ୍ତୀ ସ୍ଥିତିର ମୁକାବିଲା ପାଇଁ ଅଗ୍ନିଶମ କର୍ମଚାରୀ ପଶ୍ଚିମବଙ୍ଗ ଗସ୍ତ କରିଥଲେ ।
ପଶ୍ଚିମବଙ୍ଗ ଯାଇଥିବା ୩ ଶହ ଅଗ୍ନିଶମ କର୍ମଚାରୀଙ୍କୁ ସମ୍ବର୍ଦ୍ଧିତ କରାଯିବ
ବାତ୍ୟା ଅମ୍ପନର କରାଳ ପ୍ରକୋପରେ ଛାରଖାର ହୋଇଯାଇଥିବା ପଶ୍ଚିମବଙ୍ଗର ସ୍ଥିତି ସୁଧାରିବା ପାଇଁ ରାଜ୍ୟ ଅଗ୍ନିଶମ ବିଭାଗ ୩୦ଟି ଟିମ ପଠାଇଥିଲେ । ଏହି ୩୦ ଟି ଟିମରେ 300 ଅଗ୍ନିଶମ କର୍ମଚାରୀ ସାମିଲ ହୋଇଥିଲେ । ସେଠାରେ ଏହି ଟିମ ଭଲ କାମ କରିଛନ୍ତି । ଆଉ ଦିନେ ଦୁଇ ଦିନ ମଧ୍ୟରେ ଏହି ଟିମ ଓଡିଶା ଫେରିବେ । ଓଡିଶା ଫେରିବା ପରେ ସମସ୍ତଙ୍କୁ କ୍ବାରେଣ୍ଟାଇନରେ ରଖାଯିବ । ତେବେ ସମସ୍ତଙ୍କର କୋରୋନା ପରୀକ୍ଷା କରିସାରିବା ପରେ ସେମାନଙ୍କ ଘରକୁ ଛଡ଼ାଯିବ ବୋଲି ଫାୟାର ଆଇଜି କହିଛନ୍ତି । ସେହିପରି ସେମାନଙ୍କୁ କୋରୋନା ଯୋଦ୍ଧା ସମ୍ମାନରେ ସମ୍ବର୍ଦ୍ଧିତ କରାଯିବ ବୋଲି ଆଇଜି କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
