କଟକ: ସିଲଭର ସିଟିରେ ଚାଲିଥିବା ଏକ ବେଆଇନ ନିଶା କାରବାରକୁ ଠାବ କରିଛି ମାର୍କତ ନଗର ପୋଲିସ । ଘଟଣାସ୍ଥଳରୁ 6 ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । ସେମାନଙ୍କ ଠାରୁ ୨୩୦ ଗ୍ରାମର ବ୍ରାଉନସୁଗାର, ୩୧ହଜାର ନଗଦ ଟଙ୍କା, ବିପୁଳ ପରିମାଣର ନିଶା ଔଷଧ, ଚାରୋଟି ବାଇକ ଓ ଛଅଟି ମୋବାଇଲ ଜବତ କରାଯାଇଛି ।
ସିଲଭର ସିଟିରେ ବେଆଇନ ନିଶା କାରବାର: 6 ଗିରଫ
ଏହି ନିଶା କାରବାରରେ ସମ୍ପୃକ୍ତ ଅଭିଯୁକ୍ତଙ୍କ ମଧ୍ୟରେ ଦୁଇ ଜଣ ଔଷଧ ଦୋକାନୀ ଅଛନ୍ତି । ପୋଲିସ ପକ୍ଷରୁ ମିଳିଥିବା ସୂଚନା ମୁତାବକ ଗିରଫ ଅଭିଯୁକ୍ତମାନେ ଅଳ୍ପ ପରିମାଣର ବ୍ରାଉନସୁଗାରରେ ନିଶା ବଟିକାର ଚୂର୍ଣ୍ଣ ମିଶାଇ ତାକୁ ବିକ୍ରି କରୁଥିଲେ । ବଡ଼ କଥା ହେଉଛି ଯେ ଏମାନେ ବେଆଇନ ଭାବେ ବ୍ରାଉନ ସୁଗାର ବିକ୍ରି କରିବା ସହ ସେଥିରେ ଅପମିଶ୍ରଣ ମଧ୍ୟ କରୁଥିଲେ । ତେବେ ଏହି ରାକେଟରେ ଆଉ କେହି ସାମିଲ ଅଛନ୍ତି ସେନେଇ ପୋଲିସ ଖୋଳତାଡ ଜାରି ରଖିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
