କଟକ: ବାଙ୍କି ଥାନା ଅନ୍ତର୍ଗତ ଦୁଲଣପୁର ଗ୍ରାମରେ ଅଘଟଣ । ବଜ୍ରାଘାତରେ ଚାଲିଗଲା 2 ଚାଷୀଙ୍କ ଜୀବନ ।
ବାଙ୍କିରେ ଅଘଟଣ, ବଜ୍ରାଘାତରେ ଚାଲିଗଲା 2 ଚାଷୀଙ୍କ ଜୀବନ
ସୂଚନା ଅନୁଯାୟୀ, ବାଙ୍କି ଥାନା ଅନ୍ତର୍ଗତ ଦୁଲଣପୁର ଗ୍ରାମର ୬ ଜଣ ଚାଷୀ ଜମିକୁ କାମ କରିବାକୁ ଯାଇଥିଲେ । ଏହି ସମୟରେ ବର୍ଷା ସହ ବଜ୍ରପାତ ହେବା ଦେଖି ଏକ ଗଛମୂଳେ ଛିଡା ହୋଇଥିଲେ । ତେବେ ହଠାତ ବଜ୍ରପାତ ହେବାରୁ 6 ଜଣ ଚାଷୀ ତଳେ ପଡିଯାଇଥିଲେ । ସେମାନଙ୍କୁ ସଙ୍ଗେସଙ୍ଗେ ବାଙ୍କି ଡାକ୍ତରଖାନାକୁ ନିଆଯାଇଥିଲା । ସେଠାରେ ଡାକ୍ତର 2 ଜଣଙ୍କୁ ମୃତ ଘୋଷଣା କରିଥିଲେ । ଅନ୍ୟ ଜଣଙ୍କୁ ଗୁରୁତର ଅବସ୍ଥାରେ କଟକ ବଡ଼ ମେଡିକାଲକୁ ସ୍ଥାନାନ୍ତରିତ କରାଯାଇଛି । ବାକି 3 ଜଣ ଏବେ ବି ବାଙ୍କି ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ତେବେ ଘଟଣାକୁ ନେଇ ବାଙ୍କି ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
