କଟକ: ଆଠଗଡ ଅଞ୍ଚଳରୁ ପ୍ରଥମ ଥର ବ୍ରାଉନ ସୁଗାର ଜବତ କଲା STF ଟିମ୍ । ଗତକାଲି ରାତିରେ ପୁରୁଣା କଟକ ସମ୍ବଲପୁର ରାସ୍ତା ଆଁକୁଲାଠାରେ ଥିବା ପାରିଜାତ ହୋଟେଲରୁ ଜବତ ହୋଇଛି ୧୭୫ଗ୍ରାମ ବ୍ରାଉନ ସୁଗାର । ଏନେଇ ହୋଟେଲ ମାଲିକ ପ୍ରଶାନ୍ତ ସାହୁ ଓ ଜଣେ କର୍ମଚାରୀ ଗିରଫ କରିଛି ଏସଟିଏଫ । ତେବେ ଜବତ ହୋଇଥିବା ବ୍ରାଉନ ସୁଗାର ମୂଲ୍ୟ ପାଖାପାଖି ୭ଲକ୍ଷ ଟଙ୍କା ହେବ ବୋଲି ଜଣାପଡିଛି।
ପ୍ରଥମ ଥର ଆଠଗଡ଼ ଅଞ୍ଚଳରୁ ଜବତ ହେଲା ବ୍ରାଉନ ସୁଗାର, 2 ଗିରଫ
ତେବେ ଏଠି ପ୍ରଶ୍ନ ଉଠୁଛି ଦୀର୍ଘ ଦିନ ହେବ ଆଠଗଡ ଅଞ୍ଚଳରେ ଧଳା ଜହର କାରବାର ଖୁଲମ ଖୋଲା ଚାଲିଥିବା ବେଳେ କେମିତି ଟେର ପାଉନି ଆଠଗଡ ପୋଲିସ । ପୋଲିସ ସବୁ ଜାଣି ଏହି ବେପାରୀ ମାନଙ୍କୁ ପ୍ରଶୟ ଦେଉଥିବା ଅଭିଯୋଗ ହେଉଛି । ଯାହାକି ଆଠଗଡ ପୋଲିସର କାର୍ଯ୍ୟ ଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି ।
କଟକରୁ ପ୍ରଭୁକଲ୍ଯାଣ ପାଲ, ଇଟିଭି ଭାରତ
