ଭୁବନେଶ୍ବର: ଘରୋଇ ବିଦ୍ୟାଳୟର ଶିକ୍ଷକ ସଂଘ ପକ୍ଷରୁ ଲୋଏର ପିଏମଜିରେ ଧାରଣା । ଓଟିଇଟି ପରୀକ୍ଷାକୁ ବିରୋଧ କରି ଏହି ଧାରଣା ଦେଇଛନ୍ତି ଶିକ୍ଷକ ସଂଘ । କେତେ ଥର ସେମାନେ ନିଜର ଦକ୍ଷତା ଦେଖାଇବେ ଏନେଇ ପ୍ରଶ୍ନ କରିଛନ୍ତି ।
କାରଣ ଜଣେ ଯଦି ନିଜର ଡିଗ୍ରୀ ବା ବିଏଡ଼ ପାଠ ଶେଷ କରି ଓଡିଶାରେ ଶିକ୍ଷକ ହେବାକୁ ଚାହେଁ ତ ତାକୁ ନିହାତି ଭାବରେ ରାଜ୍ୟ ଶିକ୍ଷା ବିଭାଗ ଅଧିନରେ ଓଟିଇଟି ପରୀକ୍ଷା ଦେବାକୁ ପଡିଥାଏ । କିନ୍ତୁ କେନ୍ଦ୍ର ସରକାରଙ୍କ ଅଧିନରେ ଏନସିପିସିଆର ପରୀକ୍ଷା ଦେଇ ଥିବା ଓଡିଶା ଘରୋଇ ସ୍କୁଲ ବିଦ୍ୟାଳୟରେ ଶିକ୍ଷକ ଶିକ୍ଷୟତ୍ରୀ ଭାବରେ କାମ କରୁଛନ୍ତି ।
ସଙ୍ଘ କହିବା ଅନୁସାରେ ସେମାନେ ଦୀର୍ଘ ବର୍ଷ ଧରି ଘରୋଇ ବିଦ୍ୟାଳୟରେ ଶିକ୍ଷା ପ୍ରଦାନ କରି ଆସୁଛନ୍ତି । ଆଉ ଥରେ ରାଜ୍ୟ ସରକାରଙ୍କ ଅଧିନରେ ପରୀକ୍ଷା ଦେଇ ନିଜର ଯୋଗ୍ୟତା ଦେଖାଇ ସାରିଛନ୍ତି ସେମାନେ ଆଉ ବାରମ୍ବାର କେତେ ନିଜର ଯୋଗ୍ୟତାକୁ ଦେଖାଉଥିବେ ବୋଲି ସଂଘ ଦାବି ରଖି ଆଜି ଭୁବନେଶ୍ୱରସ୍ଥିତ ଲୋୟର ପିଏମଜିରେ ଧାରଣା ଦେଇଛି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
