ଭୁବନେଶ୍ବର: ରାତିଅଧରେ ରାଜରାସ୍ତାକୁ ସଫା କରିଥାନ୍ତି ବୃଦ୍ଧ ମଉସା ଜଣକ । ସେହି ବୃଦ୍ଧ ଜଣକ ହେଲେ ରାଜଧାନୀ ପଳାଶୁଣୀର ଗୋପୀନାଥ ରାଉତ । ବୟସ ପାଖାପାଖି 70ବର୍ଷ ତାଙ୍କର । ଘର କହିଲେ ତାଙ୍କର ଦୋକାନ ପିଣ୍ଡା । ତେବେ ସେହି ଅଞ୍ଚଳରେ ତାଙ୍କୁ ସମସ୍ତେ 'ଗୋପୀ ଅଜା' ବୋଲି ଡାକନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
25 ବର୍ଷ ପୂର୍ବେ ସେ ଏଠାକାର ବସ୍ତି ପିଲାଙ୍କୁ ମାଗଣାରେ ପାଠ ପଢାଉଥିଲେ । ପିଲାଙ୍କୁ ଶିକ୍ଷିତ କରିଥିବା ଏଇ ଗୋପୀ ଅଜାଙ୍କୁ ଏବେ କେହି କେହି ପାଗଳ କହୁଛନ୍ତି । କାରଣ ଏପରି ରାଜରାସ୍ତା ସଫା କରିବା ଜଣେ ପାଗଳ ମଣିଷର କାମ ଭାବନ୍ତି, ସେହି ଅଞ୍ଚଳର କିଛି ସ୍ଥାନୀୟ ବାସିନ୍ଦା । ହେଲେ ତାଙ୍କୁ ଏହି ସବୁ କଥାର କିଛି ଫରକ ପଡେ ନାହିଁ ।
କିନ୍ତୁ ସମସ୍ତେ ଭାବିବାର କଥା ଯେ, ଯେଉଁମାନେ ରାସ୍ତାରେ ଆବର୍ଜନା ପକାଉଛନ୍ତି, ସେମାନଙ୍କର ମସ୍ତିଷ୍କ ବିକୃତ, ନା ଯିଏ ବିନା ସ୍ବାର୍ଥରେ ଆବର୍ଜନା ସଫା କରୁଛି ତା'ର ମସ୍ତିଷ୍କ ବିକୃତ?
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
