ସୁବର୍ଣ୍ଣପୁର: ସଡକ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ । ଏଭଳି ଏକ ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ମେଟାକାନୀ ଛକ ନିକଟରେ । ମୃତ ଯୁବକ ଜଣଙ୍କ ହେଲେ ପୁଲେଶର ଗାଁର ଜିତେନ୍ଦ୍ର ଖୁରା (36) ।
ସୂଚନା ଅନୁଯାୟୀ, ଜିତେନ୍ଦ୍ର ସମ୍ବଲପୁରରୁ ବାଇକ ଯୋଗେ ଘରକୁ ଫେରୁଥିଲେ । ସେହି ସମୟରେ ଏକ ଅଜଣା ଗାଡି କୁତମେଣ୍ଡା ପାଖରେ ତାଙ୍କୁ ପଛରୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ଜିତେନ୍ଦ୍ରଙ୍କର ମୃତ୍ୟୁ ହୋଇଛି । ଏହି ଖବର ପାଇବା ପରେ ଜିତେନ୍ଦ୍ରଙ୍କ ପରିବାର ବର୍ଗ ଓ ସ୍ଥାନୀୟ ଲୋକେ ରାସ୍ତାରୋକ୍ କରିଛନ୍ତି । ଏଥିସହ ମୃତକଙ୍କ ପରିବାର ବର୍ଗକୁ କ୍ଷତିପୂରଣ ଦେବା ଦାବୀରେ ଆନ୍ଦୋଳନ କରିଛନ୍ତି ।
ତେବେ ଘଟଣାସ୍ଥଳରେ ପୋଲିସ ପହଞ୍ଚି ରାସ୍ତାରୋକ କରିବା ନେଇ ଚେଷ୍ଟା ଚଳାଇଛି । କିନ୍ତୁ ରାଜସ୍ବ ବିଭାଗର କୌଣସି ପଦାଧିକାରୀ ପହଞ୍ଚି ନ ଥିବାରୁ ରାସ୍ତାରୋକୋ ଜାରୀ ରହିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡାଙ୍କ ରିପୋର୍ଟ, ଇଟିଭି ଭାରତ
