ଭୁବନେଶ୍ବର: ସ୍ମାର୍ଟ ସିଟିରେ ସାତ କିଲୋମିଟରର ରୋଡ ସୋ । ରାଜରାସ୍ତାରେ ପ୍ରଧାନମନ୍ତ୍ରୀ । ପ୍ରିୟ ନେତାଙ୍କୁ ଦେଖିବା ପାଇଁ ଜନସମୁଦ୍ର ପାଲଟିଛି ଭୁବନେଶ୍ବର । ଖଟାଖଚ ଭିଡ ଭିତରେ ଚାଲିଛି ରାଲି ।
ମୋଦିଙ୍କ ରାଲିକୁ ନେଇ ଉଠୁଛି ପଡୁଛି ଭୁବନେଶ୍ବର। ବିଜୁ ପଟ୍ଟନାୟକ ବିମାନ ବନ୍ଦରରେ ଦଳ ପକ୍ଷରୁ ତାଙ୍କୁ ପ୍ରଥମେ ବିପୁଳ ସ୍ବାଗତ ସମ୍ବର୍ଦ୍ଧନା କରାଯାଇଥିଲା । ଆଉ ଏହା ପରେ ପରେ ହିଁ ରୋଡ ସୋ ଆରମ୍ଭ ହୋଇଛି । ରୋଡ ସୋ ବିମାନବନ୍ଦରରୁ ବାହାରି ଗଙ୍ଗନଗର, ଓୟୁଏଟି, ଶିରିପୁର ଦେଇ ସିଟି ଓମେନ୍ସ କଲେଜ ରାସ୍ତା ଦେଇ ବରମୁଣ୍ଡା ଅଭିମୁଖେ ଚାଲିଛି । ପରେ ସେଠାରେ ଆୟୋଜିତ ବିଜୟ ସଙ୍କଳ୍ପ ସମାବେଶକୁ ସମ୍ବୋଧିତ କରିବେ ମୋଦି।
ସମାବେଶରେ ଭୁବନେଶ୍ବର, ପୁରୀ, କଟକ, କେନ୍ଦ୍ରାପଡା ଏବଂ ଜଗତସିଂହପୁର ଲୋକସଭା ଏବଂ ବିଧାନସଭା ନିର୍ବାଚନ ମଣ୍ଡଳୀର ନେତା ଓ କର୍ମୀ ଯୋଗ ଦେଉଛନ୍ତି । ମୋଦିଙ୍କ ଗସ୍ତ ନେଇ ପ୍ରବଳ ସମାଗମ ହୋଇଛି । ସୁରକ୍ଷା ଦୃଷ୍ଟିରୁ 25 ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି ।
ଭୁବନେଶ୍ବରରୁ ବିକାଶ ଦାସ, ତପନ ଦାସ, ସଞ୍ଜିବ ରାଏଙ୍କ ରିପୋର୍ଟ, ଇଟିଭି ଭାରତ
