ଛତିଶଗଡ ସ୍ବାସ୍ଥ୍ୟମନ୍ତ୍ରୀଙ୍କ ବୟାନକୁ ବିକୃତ କରି ଉପସ୍ଥାପିତ କରାଯାଇଥିବା କହିଛନ୍ତି ବିରୋଧୀ ନେତା । ସରକାର ପରିବର୍ତ୍ତନ ହେଲେ ହିଁ ବିକଳ୍ପ ବାହାରିବା ନେଇ କେଉଁଠି ମଧ୍ୟ କହି ନାହାନ୍ତି ଛତିଶଗଡ ସରକାର । ଯଦି ରାଜ୍ୟରେ କଂଗ୍ରେସ ସରକାର ଆସିବ ଦୁଇ ରାଜ୍ୟ ମଧ୍ୟରେ ଆଲୋଚନା ସହଜ ହୋଇ ପାରିବ । ରାଜ୍ୟ ସରକାରଙ୍କ ସହ ଆପୋଷ ଆଲୋଚନା ପାଇଁ ରାଜି ବାଘେଲ ସରକାର । କିନ୍ତୁ ରାଜ୍ୟ ସରକାର ଏହି ପରିପ୍ରେକ୍ଷୀରେ ପ୍ରସ୍ତୁତ ନଥିବାରୁ ତାହାର ଉତ୍ତର ଛତିଶଗଡ ସରକାର ରଖିଥିବା କହିଛନ୍ତି ବିରୋଧୀ ନେତା ।
ଆଗକୁ ନିର୍ବାଚନ । ରାଜ୍ୟ ସରକାରଙ୍କ ଅପାରଗତାକୁ ଗୋଟି ଗୋଟି କରି କଂଗ୍ରେସ ବଖାଣିବା ନେଇ ଆଜିଠୁ ଆରମ୍ଭ କରିଛି ଡୋର ଟୁ ଡୋର କ୍ୟାମ୍ପନିଂ । ଆଉ ଏହି ସମୟରେ ବିରୋଧୀ ଦଳ ନେତାଙ୍କ ଏପରି ବୟାନ ପରେ କଂଗ୍ରେସ କନଫ୍ୟୁଜ ଥିବା ନେଇ ଚର୍ଚ୍ଚା ଚାଲିଛି ।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
