ଭୁବନେଶ୍ବର: ଟ୍ୱିଇନ ସିଟି ଏବେ ପାଲିଟିଛି ଜହର ସିଟି, କେତେବେଳେ ବ୍ରାଉନ ସୁଗାର ତ କେତେବେଳେ ସବୁଜ ଜହର ଗଞ୍ଜେଇ ପୁଣି ଏବେ ମାଡିଗଲାଣି ଅଭିନବ ଉପାୟରେ କଫ ସିରପ୍ ଜହର । ଭିନ୍ନ ଭିନ୍ନ ତରିକାରେ ରାଜଧାନୀରେ ଚାଲିଛି ନିଶା କାରବାର, ପୋଲିସ ଯେତେ ସକ୍ରିୟ ହେଉଛି ନିଶା ବେପାରୀ ସେତେ ଚତୁର ହେଉଛନ୍ତି ।
ପୂର୍ବରୁ ନିଶା କାରବାରରେ ଅନେକ ଲୋକଙ୍କୁ ପୋଲିସ ଧରିବାରେ ସଫଳ ହୋଇଥିବାବେଳେ ଆଜି କଫ ସିରପ କାରବାରରେ 4ଜଣଙ୍କୁ ବାନ୍ଧିବାରେ ପୋଲିସ ସଫଳ ହୋଇଛି । ସୂଚନା ଅନୁସାରେ ବଡଗଡ ଥାନା ଅଞ୍ଚଳରେ ଏକ ଡକାୟତି ଗ୍ୟାଙ୍ଗକୁ ଧରିବା ପାଇଁ ପୋଲିସ ଚଢାଉ କରିଥିଲା । ସେହି ସ୍ଥାନରୁ ପୋଲିସକୁ ଖବର ମିଳିଥିଳା ଏହି ବେଆଇନ କଫ ସିରପ୍ କାରବାର ବିଷୟରେ । ସୂଚନାକୁ ଆଧାର କରି ପୋଲିସ କଟକ ଭୁବନେଶ୍ୱରର ବିଭିନ୍ନ ସ୍ଥାନରେ ଚଢାଉ କରିଥିଲା ।
ଏହି ଚଢାଉରେ ପ୍ରାୟ କୋଡିଏ ହଜାରରୁ ଅଧିକ କଫ ସିରପ୍ ବୋତଲ ପୋଲିସ ଜବତ କରିଛି । ସେପଟେ ଆଗକୁ ଚଢାଉ ଆହୁରିଜୋରଦାର କରାଯିବ ବୋଲି କହିଛନ୍ତି ପୋଲିସ କମିଶନର ସତ୍ୟଜିତ ମହାନ୍ତି ।
ଭୁବନେଶ୍ୱରରୁ ବିକାଶ ଦାସ, ଇଟିଭି ଭାରତ
