ଭୁବନେଶ୍ବର: ରାଜ୍ୟରେ ଏବେ ରାଜନୀତିର ବଦଳି ଯାଇଛି ପରିଭାଷା । ଟିକେଟ ନାଇଁତ ଦଳ ନାଇଁ । ନିର୍ବାଚନ ପାଇଁ ଏବେ ସବୁଦଳରେ ଲାଗି ରହିଛି ଛକା ପଞ୍ଝା । ବିଜେଡିରୁ ଟିକେଟ ନ ପାଇ ଅସନ୍ତୁଷ୍ଟ ଥିବା ଅନେକ ନେତା ଆଜି ଭାଜପାରେ ଯୋଗଦେଇଛନ୍ତି । ଗତକାଲି ଓ ପୂର୍ବରୁ ବିଜେଡି ଛାଡିଥିବା ନେତା ସବୁ ଆଜି ପଦ୍ମ ପୋଖରୀକୁ ଡେଇଁଛନ୍ତି ।
ଗଞ୍ଜାମରୁ ବିଧାୟକ ଓ ପୂର୍ବତନ ବିଧାୟକ ଆସ୍କା ବିଜେଡି ବିଧାୟକ ଦେବରାଜ ମହାନ୍ତି, ଦଶପଲ୍ଲା ବିଜେଡି ବିଧାୟକ ପୂର୍ଣ୍ଣ ଚନ୍ଦ୍ର ନାୟକ, ନୀଳଗିରି ବିଜେଡି ବିଧାୟକ ସୁକାନ୍ତ ନାୟକ, ସୁନ୍ଦରଗଡ଼ ବିଜେଡି ନେତ୍ରୀ କୁସୁମ ଟେଟେ, ମୟୂରଭଞ୍ଜ ପୂର୍ବତନ ସାଂସଦ ଲକ୍ଷ୍ମଣ ଟୁଡୁ, କୋଦଳା ପୂର୍ବତନ ବିଜେଡି ବିଧାୟକ ନିରଞ୍ଜନ ପ୍ରଧାନ, ଦଶପଲ୍ଲା ପୂର୍ବତନ ବିଜେଡି ବିଧାୟକ କାଶୀନାଥ ମଲିକ ପ୍ରମୁଖ ସେମାନଙ୍କ ସମର୍ଥକ, ଦଳୀୟ କର୍ମୀ, ବିଜୁ ଯୁବ ବାହିନୀର ସଦସ୍ୟ ବିଜେପି ରାଜ୍ୟ କାର୍ଯ୍ୟାଳୟରେ ଆୟୋଜିତ ସ୍ୱତନ୍ତ୍ର ମିଶ୍ରଣ ପର୍ବରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଜୁଏଲ ଓରାମ, ରାଜ୍ୟ ସଭାପତି ବସନ୍ତ ପଣ୍ଡା, ବିଜେପି ବିଧାୟକ ଦଳ ନେତା କନକ ବର୍ଦ୍ଧନ ସିଂହଦେଓ, ମନ୍ତ୍ରୀ, ପୂର୍ବତନ ବିଧାୟକ ପ୍ରତାପ ଷଡ଼ଙ୍ଗୀଙ୍କ ଉପସ୍ଥିତି ରେ ସାମିଲ ହୋଇଛନ୍ତି ।
ସେପଟେ ବିଜେପିରେ ଯୋଗଦେଇଥିବା ସମସ୍ତ ନେତା ମନଇଛା ବିଜେଡି ବିରୋଧରେ ବର୍ଷିଛନ୍ତି । ଏହାସହ ବିଜେପିକୁ କ୍ଷମତାକୁ ଆଣିବା ପାଇଁ ସବୁ ଶକ୍ତି ଲଗାଇବୁ ବୋଲି କହିଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
