ଆଜିର ସମୟରେ ଖରାପ ଜୀବନଶୈଳୀ, ଖାଦ୍ୟପେୟ ଯୋଗୁଁ ବିଭିନ୍ନ ପ୍ରକାର ରୋଗ ଦେଖାଯାଉଛି । ଏବେ ଶୀତ ଋତୁ ଚାଲିଛି । ଏହି ଦିନରେ ବେଳେବେଳେ କିଛି ଲୋକ ଚାଲିବା କିମ୍ବା ସିଡି ଚଢିବା ବେଳେ କଷ୍ଟ ଅନୁଭବ କରିଥାନ୍ତି । ନିଶ୍ବାସ ଫୁଲି ଯାଇଥାଏ ଏବଂ ନିଶ୍ବାସ ନେବାରେ ସମସ୍ୟା ହୋଇଥାଏ । ଏପରି ସ୍ଥଳେ ଅନେକ ଲୋକଙ୍କ ମନରେ ପ୍ରଶ୍ନ ଉଠେ, କାହିଁକି ଏମିତି ଘଟେ ? ଏ ସମ୍ପର୍କରେ ଡାକ୍ତର ମିନରଲ ବଂଶଲ ଆଲୋଚନା କରିଛନ୍ତି ।
ଚାଲିବା କିମ୍ବା ସିଡି ଚଢିଲେ ନିଶ୍ବାସ ନେବାରେ କଷ୍ଟ ହେଉଛି ?
ଡଃ ମିନରଲ ବଂଶଲ ETV ଭାରତକୁ କହିଛନ୍ତି, ଚାଲିବା କିମ୍ବା ସିଡି ଚଢିବା ସମୟରେ ନିଶ୍ବାସ ଫୁଲିବା ପଛରେ ଅନେକ କାରଣ ଥାଇପାରେ । ଆପଣ ଜୋରରେ ଚାଲିଲେ ନିଶ୍ବାସ ଫୁଲିବା ସାଧାରଣ କଥା । ହେଲେ ଯଦି ଆପଣ ଆରାମରେ ଧିରେ ଧିରେ ଚାଲୁଛନ୍ତି ତଥାପି ନିଶ୍ବାସ ଫୁଲୁଛି ତେବେ ଏହା କେତେକ ସ୍ବାସ୍ଥ୍ୟ ସମସ୍ୟାର ଲକ୍ଷଣ ହୋଇପାରେ । ଯେପରିକି-
- ବ୍ଲଡପ୍ରେସର ସମସ୍ୟା
- ହୃଦ ଜନିତ ରୋଗ
- କିଡନୀ ସମସ୍ୟା
- ନିମୋନିଆ, ଟିବି, ସଂକ୍ରମଣ କିମ୍ବା ଆସ୍ଥାମା
- ସିଗାରେଟ ଓ ବିଡି ଟାଣିଲେ ଆମର ଫୁସଫୁସର କାର୍ଯ୍ୟପ୍ରଣାଳୀ ଧୀମା ହୋଇଯାଏ । ଏହି କାରଣରୁ ସିଡି ଚଢିଲେ କଷ୍ଟ ଲାଗିଥାଏ ।
- ମହିଳା ଓ ଛୁଆଙ୍କ ମଧ୍ୟରେ ରକ୍ତ ଅଭାବରୁ ନିଶ୍ବାସ ଫୁଲିବା ସମସ୍ୟା ହୋଇପାରେ ।
- ଯଦି ଆପଣଙ୍କୁ ଲଗାତାର ଚାଲିବା କିମ୍ବା ସିଡି ଚଢିବା ସମୟରେ ନିଶ୍ବାସ ନେବାରେ କଷ୍ଟ ହେଉଛି ତେବେ ଡାକ୍ତରଙ୍କ ପରାମର୍ଶ କରନ୍ତୁ ।
ନିଶ୍ବାସ ଫୁଲିଲେ କ'ଣ କରିବେ ?
- ଲୁଣ, ମିଠା, ଆଚାର, ତେଲ ଛଣା ଖାଦ୍ୟ ଖାଇବାରୁ ଦୂରେଇ ରୁହନ୍ତୁ । ଖାଦ୍ୟରେ ଅଧିକ ଲୁଣ ବ୍ୟବହାର କରନ୍ତୁନି, ବିଶେଷକରି ଫଳ ସାଲାଡ ଓ ଲସିରେ । ଏହାଦ୍ବାରା ବିପି ଓ ଡାଇବେଟିସ ଆଶଙ୍କା ବଢିଥାଏ ।
- କାଶ କିମ୍ବା ଆସ୍ଥାମା ସମସ୍ୟା ଥିଲେ ଔଷଧ ଖାଆନ୍ତୁ
- ଶୀତ ଦିନେ ମାସ୍କ ବ୍ୟବହାର କରନ୍ତୁ । ସଂକ୍ରମଣ ଆଶଙ୍କା କମିଥାଏ ।
- ଯୋଗ, ବ୍ୟାୟମ କରି ନିଜକୁ ସୁସ୍ଥ ରଖନ୍ତୁ ।
- କ୍ରିମ, ଘିଅ, ଛଣା ଖାଦ୍ୟ ସୀମିତ ମାତ୍ରାରେ ଖାଇପାରିବେ । କିନ୍ତୁ ଅଧିକ ଖାଆନ୍ତୁ ନାହିଁ ।
- ଯେଉଁ ଲୋକଙ୍କ ହାର୍ଟ, ବ୍ଲଡପ୍ରେସର, ଫୁସଫୁସ ଜନିତ ସମସ୍ୟା ଅଛି, ସେମାନେ ନିୟମିତ ଔଷଧ ସେବନ କରନ୍ତୁ ।
- ସେଓ, ଡାଳିମ୍ବ ଏବଂ ସବୁଜ ପନିପରିବା ଖାଆନ୍ତୁ
- ପ୍ରତିଦିନ କିଛି ସମୟ ଚଲାବୁଲା କରନ୍ତୁ ।
ଏହା ମଧ୍ୟ ପଢନ୍ତୁ: ଆତଙ୍କ ଖେଳାଉଛି ଡିଙ୍ଗା ଡିଙ୍ଗା ଭାଇରସ୍: ହଲି ହଲି ନାଚୁଛନ୍ତି ରୋଗୀ, ଅଧିକ ମହିଳାଙ୍କୁ କରୁଛି ଆକ୍ରାନ୍ତ - DINGA DINGA VIRUS
ଏହା ମଧ୍ୟ ପଢନ୍ତୁ: କାହିଁକି ହୁଏ ବ୍ରେନ ଟ୍ୟୁମର, ଜାଣନ୍ତୁ ଏହାର ଲକ୍ଷଣ ଓ ନିରାକରଣ - BRAIN TUMOR
(Disclaimer- ଏଠାରେ ଦିଆଯାଇଥିବା ସମସ୍ତ ସ୍ବାସ୍ଥ୍ୟ ସମ୍ବନ୍ଧୀୟ ସୂଚନା କେବଳ ଆପଣଙ୍କ ଜାଣିବା ପାଇଁ । ଏହା ଉପରେ ବିଚାର କରିବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଭଲ ।)
