ଭୁବନେଶ୍ବର: ଶାନ୍ତି ଶୃଙ୍ଖଳାର ସହ ଟ୍ବିନ ସିଟିରେ ଶେଷ ହୋଇଛି ତୃତୀୟ ପର୍ଯ୍ୟାୟ ନିର୍ବାଚନ । ସନ୍ଧ୍ୟା ସୁଦ୍ଧା କେତେକ ବୁଥ୍ରେ ଅସନ୍ତୋଷ ଦେଖା ଦେଇଥିଲେ ମଧ୍ୟ ପରିସ୍ଥିତି ସାମାନ୍ୟ ରହିଥିଲା । ଅନ୍ୟପଟେ ନିର୍ବାଚନ ପାଇଁ ରାଜଧାନୀ ସମ୍ପୂର୍ଣ୍ଣ ଭାବେ ପୋଲିସର କଡା ସୁରକ୍ଷା ବଳୟ ମଧ୍ୟରେ ରହିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
କିଛି ବୁଥ୍ରେ ଇଭିଏମ ମେସିନ ଅଚଳକୁ ନେଇ ଲୋକେ ଉତ୍ତ୍ୟକ୍ତ ମଧ୍ୟ ହୋଇଥିଲେ । ହେଲେ ଟ୍ବିନ ସିଟିରେ ହୋଇଥିବା ପ୍ରାୟ ଦୁଇ ହଜାର ବୁଥ୍ରେ ସୁରକ୍ଷା ଦୃଷ୍ଟିରୁ ବ୍ୟପକ ପୋଲିସ ମୁତୟନ କରାଯାଇଥିଲେ । ତେବେ ଭୋଟରମାନେ ବେଶ୍ ଶାନ୍ତି ଶୃଙ୍ଖଳାର ସହ ସକାଳରୁ ମତଦାନ ଆରମ୍ଭ କରିଥିଲେ ।
କିଛି ସ୍ଥାନରେ ଇଭିଏମ୍ ମେସିନରେ ତ୍ରୁଟି ଯୋଗୁଁ ଜନ ଅସନ୍ତୋଷ ଦେଖା ଦେଇଥିବା ସତ୍ତ୍ବେ ଶୃଙ୍ଖଳିତ ଭାବେ ନିର୍ବାଚନ ଶେଷ ହୋଇଥିବା ପ୍ରକାଶ କରିଛନ୍ତି ପୋଲିସ କମିଶନର ସତ୍ୟଜିତ ମହାନ୍ତି ।
ଭୁବନେଶ୍ବରରୁ ବିକାଶ କୁମାର ଦାଶ, ଇଟିଭି ଭାରତ
