ବୌଦ୍ଧ: ବାରମ୍ବାର ଆବେଦନ ପରେ ବି ମିଳୁନି ବିଧବା ଭତ୍ତା । ପ୍ରଶାସନକୁ ଯେତେ ଗୁହାରୀ କଲେ ବି ଶୁଣିନାହାନ୍ତି କୌଣସି ଅଧିକାରୀ । ସ୍ବାମୀଙ୍କ ମୃତ୍ୟୁ ପରେ ହରିଶ୍ଚନ୍ଦ୍ର ଯୋଜନା ମିଳିନଥିବାବେଳେ ଏବେ ବିଧବା ଭତ୍ତା ପାଇଁ ସାତ ଗୁହାରୀ ହେବାକୁ ପଡୁଛି । ଏଭଳି ଅଭିଯୋଗ କରିଛନ୍ତି ବୌଦ୍ଧ ଜିଲ୍ଲା ବଢିଗାଁ ପଞ୍ଚାୟତ ଟିକିର ସାହିର ଯୋଶଦା ।
ଭିଡିଓ ସୌଜନ୍ୟ:ପ୍ରତିନିଧି, ବୌଦ୍ଧ
ନା ଅଛି ଜମିବାଡି ନା ଘର। ସ୍ବାମୀ ହିମାଂଶୁ ଶେଖର ପ୍ରଧାନଙ୍କ ମୃତ୍ୟୁ ପରେ ତାଙ୍କ ଉପରେ ଅଜାଡି ହୋଇଛି ଦୁଃଖର ପାହାଡ । କଷ୍ଟେ ମଷ୍ଟେ ଧାର କରଜ କରି ଝିଅକୁ ବିବାହ କରିବା ପରେ ଏବେ ଏକ ମାତ୍ର ପୁଅକୁ ପେଟ ପାଟଣା ପାଇଁ ବାହାରକୁ ଛାଡିଛନ୍ତି ।
ତେବେ ଗରିବ, ଖଟିଖିଆ, ଅସହାୟ ଲୋକଙ୍କ ପାଇଁ ସରକାରଙ୍କ ଯୋଜନା ପ୍ରକୃତ ହିତାଧିକାରୀଙ୍କ ନିକଟରେ ପାଲଟିଛି ସାତ ସପନ । ତେଣୁ ସାଧାରଣରେ ତାଙ୍କୁ ତୁରନ୍ତ ଭତ୍ତା ଦେବାକୁ ଦାବି ହୋଇଛି ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
