ବୌଦ୍ଧ: ଜିଲ୍ଲା ସଦର ବ୍ଲକ ଅନ୍ତର୍ଗତ ଖୁଣ୍ଟବନ୍ଧ ପଞ୍ଚାୟତ ରେ ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନାରେ ସଦର ଛକ ଠାରୁ ଚଣ୍ଡିଗଡକୁ ଯାଇଥିବା ସଡକଟି ଆରଡି ବିଭାଗ ଅଧିନରେ ରହିଛି । ତେବେ ପ୍ରତ୍ୟେକ ବର୍ଷ ଏହି ରାସ୍ତା ବର୍ଷା ଦିନେ ବନ୍ୟା ପାଣି ଆସି ଧୋଇ ଯାଉଥିବା ବେଳେ ବାରମ୍ବାର ଏହାକୁ ନିର୍ମାଣ କରାଯାଇ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ହେଉଛି ସତ କିନ୍ତୁ ଫଳ ଶୂନ ।
ଚଣ୍ଡିଗଡକୁ କେବେ ସମ୍ପୂର୍ଣ୍ଣ ହେବ ରାସ୍ତା ନିର୍ମାଣ କାର୍ଯ୍ୟ ?
ବର୍ତ୍ତମାନ ମଧ୍ୟ ଆରଡି ବିଭାଗ ଉକ୍ତ ରାସ୍ତାକୁ ନିର୍ମାଣ ସହିତ ଏକ ସେତୁ ନିର୍ମାଣ କରୁଛି । କିନ୍ତୁ ଏହା କେବେ ସମ୍ପୂର୍ଣ୍ଣ ହେବ ତାର କୌଣସି ଠିକଣା ନାହିଁ । ଠିକାଦାରଙ୍କ ଉଚ୍ଛାରେ ଏହି କାମ ହେଉଛି । ସେପଟେ ଚଣ୍ଡିଗଡ ସମେତ ଅନ୍ୟାନ୍ୟ ଗ୍ରାମର ଶହ ଶହ ପରିବାର ଏବେ ଯାତାୟତ ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ ହୋଇଛି । ତୁରନ୍ତ ଏଦିଗରେ ପ୍ରଶାସନ ଦୃଷ୍ଟି ଦେଇ ପଦକ୍ଷେପ ଗ୍ରହଣ କରିବାକୁ ଅଞ୍ଚଳବାସୀ ଦାବି କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
