ବୌଦ୍ଧ: ଲକଡାଉନ ସମୟରେ ବିଭିନ୍ନ ସ୍ଥାନରେ ସୃଷ୍ଟି ହୋଇଛି ରକ୍ତାଭାବ । ରକ୍ତଭଣ୍ଡାର ସବୁ ଖାଲି ହେବାରେ ଲାଗିଥିବା ବେଳେ ରକ୍ତର ଘୋର ଅଭାବ ଦେଖା ଦେଇଥିବାରୁ ରକ୍ତଦାନ ପାଇଁ ବୌଦ୍ଧ ଜିଲ୍ଲାରେ ଆଗେଇ ଆସିଛନ୍ତି ଅନେକ ସ୍ବେଚ୍ଛାସେବୀ ଯୁବତୀ ଓ ମହିଳା । ସ୍ଥାନୀୟ ଟାଉନ ହଲଠାରେ ରବିବାର ‘ବିଶ୍ବ ରକ୍ତଦାତା ଦିବସ’ ପାଳନ ଅବସରରେ ଅନେକ ସ୍ବେଚ୍ଛାସେବୀ ମହିଳା ରକ୍ତ ଦାନ କରିବାକୁ ଆଗେଇ ଆସିଥିବା ଦେଖିବାକୁ ମିଳିଥିଲା ।
ଲକଡାଉନରେ ରକ୍ତାଭାବ ଦୂର ପାଇଁ ଆଗେଇ ଆସିଲେ ସ୍ବେଚ୍ଛାସେବୀ ମହିଳା
ଏକାଠି ହୋଇଥିବା ସ୍ବେଚ୍ଛାସେବୀଙ୍କ ମଧ୍ୟରୁ ଅନେକ ପ୍ରଥମ ଥର ପାଇଁ ଏଭଳି ମହତ କାର୍ଯ୍ୟରେ ସାମିଲ ହୋଇ ଖୁସି ପ୍ରକାଶ କରିଥିଲେ । ସେପଟେ କାର୍ଯ୍ୟକ୍ରମରେ ଅତିଥି ଭାବେ ବିଧାୟକ ପ୍ରଦୀପ କୁମାର ଅମାତ, ଏସପି ଭି ରଘୁନାଥ ରାଓ ଓ ଉପଜିଲ୍ଲାପାଳ ଏନସି ଜ୍ୟୋତିରଞ୍ଜନ ନାଏକ ପ୍ରମୁଖ ଯୋଗ ଦେଇଥିଲେ । କାର୍ଯ୍ୟକ୍ରମର ସଫଳତା ପାଇଁ ସମସ୍ତଙ୍କୁ ଅଭିନନ୍ଦନ ଜଣାଇବା ସହ ଭାଗ ନେଇଥିବା ସ୍ବେଚ୍ଛାସେବୀମାନଙ୍କୁ ଅତିଥିମାନେ ସମ୍ବର୍ଦ୍ଧିତ କରିଥିଲେ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
