ବୌଦ୍ଧ : ଦୁର୍ଦ୍ଦିନରେ ରାସ୍ତାକଡର ଉଠାଦୋକାନୀ । ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଉଠାଇ ଦିଆଯାଇଛି କିନ୍ତୁ ସେମାନଙ୍କ ଥଇଥାନର କୌଣସି ବ୍ୟବସ୍ଥା କରାଯାଇନାହିଁ । ବର୍ତ୍ତମାନ ପର୍ଯ୍ୟନ୍ତ କୌଣସି ସରକାରୀ ଯୋଜନାରେ ସାମିଲ କରାଯାଇନାହିଁ ।
ଜିଲ୍ଲାର ଏକମାତ୍ର ପୌରାଞ୍ଚଳରେ ଅନିଶ୍ଚିତତା ଭିତରେ ରାସ୍ତା କଡରେ ବ୍ୟବସାୟ କରୁଥିବା ଉଠା ଦୋକାନୀ । ସହରର ଦୈନିକ ବଜାର, ଏନଏସି ଛକ,କଚେରୀ ଛକ ଭଳି ସ୍ଥାନ ଗୁଡିକରେ ପରିବାର ପେଟ ପୋଷିବା ପାଇଁ ଉଠା ଦୋକାନ କରି ଚଳୁଛନ୍ତି । ଏମାନେ ନା କୌଣସି ସରକାରୀ ଯୋଜନାରେ ସାମିଲ ହୋଇପାରୁଛନ୍ତି , ଏମାନଙ୍କୁ ଥଇଥାନ କରାଯାଇ ପାରୁଛି । ସହରରେ ବିଭିନ୍ନ ସମୟରେ ଦୁର୍ଘଟଣା ଓ ଟ୍ରାଫିକ ସମସ୍ୟା ମଧ୍ୟ ସୃଷ୍ଟି ହେଉଛି । ବର୍ତମାନ ପର୍ଯ୍ୟନ୍ତ ବୌଦ୍ଧ ସହରର କୌଣସି ଭେଣ୍ଡିଂ ଜୋନ ବ୍ୟବସ୍ଥା କରାଯାଇନାହିଁ । ଏ ଦିଗରେ ପୂର୍ବରୁ ଅନେକ ଥର ଅଭିଯୋଗ ମଧ୍ୟ କରାଯାଇଛି ।
ପୌର ପରିଷଦ ପକ୍ଷରୁ ଉଠା ଦୋକାନୀଙ୍କ ବିଭିନ୍ନ ଅଭାବ ଅସୁବିଧାକୁ ଦିନଦୟାଲ ଅନ୍ତୋଦୟ ଯୋଜନା ଜାତୀୟ ସହରାଞ୍ଚଳ ଜୀବିକା ମିଶନ ମାଧ୍ୟମରେ ରାସ୍ତାକଡର ବ୍ୟବସାୟୀ ମାନଙ୍କ ପ୍ରଶିକ୍ଷଣ ଶିବିର କରାଯାଇଛି । ଆଗାମୀ ଦିନରେ ଏମାନଙ୍କୁ କିଭଳି ସାମାଜିକ ସୁରକ୍ଷା,ଋଣପ୍ରଦାନ, ବୀମା, ଥଇଥାନ କରାଯାଇ ପାରିବ ସେ ନେଇ ଉଠା ଦୋକାନୀ ମାନଙ୍କ ସହିତ ଆଲୋଚନା କରାଯାଇଛି ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
