ବୌଦ୍ଧ: ଗତ ପାଞ୍ଚ ଦିନ ହେଲା ମହାନଦୀରୁ ବାଲି ଚାଲାଣ ବନ୍ଦ ରହିଛି । କାରଣ ବୌଦ୍ଧ ଜିଲ୍ଲା ସଦର ତହସିଲ ଅନ୍ତର୍ଗତ ମହାନଦୀ ଘାଟକୁ ଲିଜ ପ୍ରଦାନ କରାଯାଇଛି । ହେଲେ ବାଲି ରୟାଲଟି ତଥା ବାଲି ଚାଲାଣ ସମୟରେ ଆବଶ୍ୟକ ଓ୍ବାଇ ଫର୍ମ ଓ ରସିଦ ଅନେକ ସମୟରେ ରାଜସ୍ବ ବିଭାଗ ଫାଇଲ ଓ ଚାଲାଣ କାଟୁଛି । ଏହାକୁ ବିରୋଧ କରି ଆର୍ଥିକ କ୍ଷତି ସହୁଥିବା ଟ୍ରାକ୍ଟର ମାଲିକ ସଂଘ ବୌଦ୍ଧ ତହସିଲଦାରଙ୍କୁ ଭେଟି ଏ ସମ୍ପର୍କରେ ଆଲୋଚନା କରିଥିଲେ ।
ବାଲି ଯୋଗାଣ ସମୟରେ ଧରପଗଡ଼
ଏହାସହ ତୁରନ୍ତ ଆବଶ୍ୟକ ପଦକ୍ଷେପ ଗ୍ରହଣ ପାଇଁ ଦାବି କରିଥିଲେ । ଏହାର ବିହିତ ପଦକ୍ଷେପ ଗ୍ରହଣ କରାନଗଲେ ଆଗାମୀ ଦିନରେ ବୌଦ୍ଧ ଅଞ୍ଚଳରେ ବାଲି ଯୋଗାଣକୁ ବନ୍ଦ କରି ବ୍ୟାପକ ଆନ୍ଦୋଳନ କରାଯିବ ବୋଲି ସଂଘ ଚେତାବନୀ ଦେଇଛି । ଏନେଇ ତହସିଲଦାର ପ୍ରତିଶୃତି ଦେଇଛନ୍ତି ଯେ ଖୁବଶୀଘ୍ର ଓ୍ବାଇ ଫର୍ମ ଓ ରସିଦ ଦିଆଯିବ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
