ବୌଦ୍ଧ: କୋରୋନା ପାଇଁ ସାରା ଦେଶ ଏବେ ଲକଡାଉନ । ଏହି ସମୟରେ ଅସହାୟମାନଙ୍କୁ ସହାୟତାର ହାତ ବଢାଉଛନ୍ତି କିଛି ସ୍ବେଚ୍ଛାସେବୀ । ବିଶେଷକରି ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଲକଡାଉନ ସମୟରେ ସଫେଇ କର୍ମଚାରୀଙ୍କୁ ଫୁଲ,ଖାଦ୍ୟ ଓ ଅନ୍ୟାନ୍ୟ ଉପହାର ଦେଇ ସମ୍ମାନିତ କରାଯାଇଥିବା ଦେଖିବାକୁ ମିଳିଛି । ଏପରିକି ରକ୍ତ ଭଣ୍ଡାରରେ ରକ୍ତର ଅଭାବକୁ ଦୃଷ୍ଟିରେ ରଖି ହରଭଙ୍ଗା ବ୍ଲକର କୋଡିଏ ଜଣ ସ୍ବେଚ୍ଛାସେବୀ ରକ୍ତଦାନ ଭଳି ପବିତ୍ର କାର୍ଯ୍ୟ କରିବାକୁ ଆଗେଇ ଆସିଛନ୍ତି ।
ସଫେଇ କର୍ମଚାରୀଙ୍କୁ ଫୁଲ,ଖାଦ୍ୟ,ଉପହାର ଦେଇ ସମ୍ମାନୀତ କଲେ ବସ୍ତିବାସୀ
କିନ୍ତୁ ଏଭଳି ସମୟରେ ବୌଦ୍ଧ ଏନଏସି ମଧ୍ୟରେ ଥିବା ଅଧିକାଂଶ ପାନୀୟଜଳ ପ୍ରକଳ୍ପ ଅଚଳ ହୋଇ ପଡି ରହିଥିବାରୁ ଏବେ ସହରରେ ଉତ୍କଟ ଜଳ ସମସ୍ୟା ଦେଖାଦେଇଛି । ଏହାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ପଦକ୍ଷେପ ଗ୍ରହଣ କରିବାକୁ ସାଧାରଣରେ ଦାବି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
