ବୌଦ୍ଧ: ଗତ ବର୍ଷର ଲଗାଣ ବର୍ଷାରେ ଧୋଇଯାଇଛି ପୋଲ ଓ ରାସ୍ତା । ଏ ଘଟଣାକୁ ବର୍ଷେ ବିତିଥିଲେ ମଧ୍ୟ ପ୍ରଶାସନିକ ଅବହେଳାରୁ ଦୁଇଟି ପଞ୍ଚାୟତବାସୀ ଯାତାୟାତ ନିମନ୍ତେ ଭୀଷଣ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି । ବୌଦ୍ଧ ଜିଲ୍ଲା ଲକ୍ଷ୍ମୀପ୍ରସାଦ ପଞ୍ଚାୟତର ନାରାୟଣ ନଗର ଠାରୁ ଚଣ୍ଡିତଳ ରାସ୍ତାରେ ଥିବା ପୋଲ ସହିତ ରାସ୍ତାର ଅନେକାଂଶ ଗତବର୍ଷ ବର୍ଷା ଯୋଗୁଁ ଧୋଇଯାଇ ଭୂଷୁଡି ପଡିଥିଲା ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଉକ୍ତ ରାସ୍ତା ଉପରେ ଦୁଇଟି ପଞ୍ଚାୟତବାସୀ ନିର୍ଭର କରନ୍ତି କିନ୍ତୁ ରାସ୍ତା ଭୁଷୁଡି ଯାଇଥିବାରୁ ଏବେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଦୁଇ ପଞ୍ଚାୟତର ବାସିନ୍ଦା । ଏସମ୍ପର୍କରେ ଗ୍ରାମବାସୀ ବାରମ୍ବାର ଗୁହାରୀ କଲେ ମଧ୍ୟ କୌଣସି ସୁଫଳ ମିଳୁନଥିବା ଅଭିଯୋଗ କରିଛନ୍ତି । ସେପଟେ ବୌଦ୍ଧ ବିଡିଓ ଉକ୍ତ ସ୍ଥାନ ପରିଦର୍ଶନ କରିଛନ୍ତି ଓ ବର୍ଷା ଦିନେ ପରେ ଏହାର ସ୍ଥାୟୀ ପ୍ରତିକାର ନିଶ୍ଚିତ କରାଯିବ ବୋଲି ପ୍ରତିଶୃତି ଦେଇଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
