ବୌଦ୍ଧ:ମହାନଦୀରେ ଶୀତ ଋତୁ ଆରମ୍ଭରୁ ଜଳସ୍ରୋତ ଶୁଖିଯିବାକୁ ବସିଛି । ଇଟିଭି ଭାରତରେ ଖବର ପ୍ରସାରଣ ପରେ ଯୁବ ବର୍ଗ ଏନେଇ ଜିଲ୍ଲାପାଳଙ୍କୁ ଭେଟି ଦାବିପତ୍ର ପ୍ରଦାନ କରିଛନ୍ତି । ଶୀତ ଦିନ ଆରମ୍ଭରୁ ଶୁଖିଯିଵାକୁ ବସିଲାଣି ମହାନଦୀର ଜଳ ରାଶି । ବୌଦ୍ଧ ଜିଲ୍ଲାର ନବେ ପ୍ରତିଶତ ଅଧିବାସୀ ପାନୀୟଜଳ ପାଇଁ ମହାନଦୀର ଜଳ ଉପରେ ନିର୍ଭର କରିଥାନ୍ତି । କିନ୍ତୁ ଚଳିତ ବର୍ଷ ମହାନଦୀରେ ଜଳସ୍ରୋତ କମି କେବଳ ମଝିରେ ଏକ ଛୋଟ ଧାର ପ୍ରବାହିତ ହେଉଛି ।
ତେଣୁ ଆଗାମୀ ଦିନରେ ଜଳ ସଙ୍କଟର ସମ୍ଭାବନା ଦେଖାଦେଇଛି । ଗତ ପାଞ୍ଚ ଦିନ ପୂର୍ବରୁ ଇଟିଭି ଭାରତରେ ଜଳସଙ୍କଟକୁ ନେଇ ଖବର ପ୍ରସାରଣ ପରେ ଶୁକ୍ରବାର ବୌଦ୍ଧର କେତେକ ଯୁବକ ଏ ସମ୍ପର୍କରେ ବୌଦ୍ଧ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରିଛନ୍ତି ।
ବୌଦ୍ଧ ପୌରାଞ୍ଚଳର ସତରଟି ଓ୍ବାର୍ଡ ସହିତ ଅନ୍ୟାନ୍ୟ ଅନ୍ୟାନ୍ୟ ଅଞ୍ଚଳର ପାନୀୟଜଳ ସମସ୍ୟା ଦୂର ପାଇଁ ବର୍ତ୍ତମାନ ଠାରୁ ପଦକ୍ଷେପ ଗ୍ରହଣ କରିବା ସହିତ ଜିଲ୍ଲାରେ ମହାନଦୀ ଉପରେ ଏକ ବ୍ୟାରେଜ ନିର୍ମାଣ ପାଇଁ ଦାବି କରାଯାଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
