ବୌଦ୍ଧ: କୋଭିଡ ଆଇନ ଉଲ୍ଲଂଘନ ଅଭିଯୋଗରେ ସରକାରୀ ବାବୁଙ୍କୁ ସରକାର ନିଲମ୍ବିତ କରିଛନ୍ତି । ଏହି ସରକାରୀ ଅଧିକାରୀ ଜଣଙ୍କ ବୌଦ୍ଧ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ନିର୍ବାହୀ ଯନ୍ତ୍ରୀ ଜ୍ଞାନଦା ପ୍ରସାଦ ସାହୁ ବୋଲି ସୂଚନା ମିଳିଛି ।
ବୌଦ୍ଧ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ନିର୍ବାହୀ ଯନ୍ତ୍ରୀ ଜ୍ଞାନଦା ପ୍ରସାଦ ସାହୁଙ୍କୁ ସରକାର କୋଭିଡ ଆଇନ ଉଲ୍ଲଂଘନ ଅଭିଯୋଗରେ କାର୍ଯ୍ୟରୁ ନିଲମ୍ବିତ କରିଛନ୍ତି ।
ସୂଚନା ଅନୁଯାୟୀ, ଶ୍ରୀ ଜ୍ଞାନଦା ପ୍ରସାଦ ସାହୁ ଗତ ଆଠ ତାରିଖରେ ବୀରନରସିଂପୁର ସ୍ଥିତ କ୍ବାରେନଣ୍ଟାଇନ ସେଣ୍ଟର ଭିତରେ ପ୍ରବାସୀ ଓଡ଼ିଆଙ୍କ ସହିତ କୋଳାକୋଳି ହେବା ସହ କୋଭିଡ ଆଇନକୁ ଖୋଲାଖୋଲି ଉଲ୍ଲଂଘନ କରିଥିଲେ । କେବଳ ଏତିକି ନୁହେଁ, ସେଠାରୁ ଫେରି ସେ ନିଜ କାର୍ଯ୍ୟାଳୟ ଓ ସର୍କିଟ ହାଉସ ଠାରେ ମଧ୍ୟ ବିଚିତ୍ର ଅଭିନୟ ଦେଖାଇଥିଲେ ।
ଏହାପରେ ତାଙ୍କୁ ବୁର୍ଲାରୁ ବ୍ରହ୍ମପୁର ପଠାଇ ଦିଆଯାଇଥିଲା । ସରକାରୀ ବାବୁ ଏଭଳି ବେପରୁଆ ନୀତିକୁ ବିଚାର କରି ରାଜ୍ୟ ସରକାର ତାଙ୍କୁ କାର୍ଯ୍ୟରୁ ଗତ 27 ତାରିଖରେ ନିଲମ୍ବିତ କରିଥିବା ସୂଚନା ମିଳିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
