ବୌଦ୍ଧ: ଜିଲ୍ଲା ପୋଲିସକୁ ସଫଳତା । ଜଣେ ଆନ୍ତଃରାଜ୍ୟ କୁଖ୍ୟାତ ଅପରାଧୀକୁ ଧରିବାରେ ସଫଳ ହୋଇଛି ଜିଲ୍ଲା ପୋଲିସ ।
ଜିଲ୍ଲାର ଅନେକ ଦିନ ହେବ ଚୋରି,ଡକାୟତି ଓ ନିଶାଦ୍ରବ୍ୟ କାରବାର ବଢି ଚାଲିଥିଲା । ଏ ନେଇ ପୋଲିସର ନିଷ୍କ୍ରିୟତା ଉପରେ ପ୍ରଶ୍ନ ଉଠିଥିଲା । ହେଲେ ଏହି କିଛି ଦିନ ହେବ ଆକ୍ସନ ମୁଡକୁ ଆସିଛି ଜିଲ୍ଲା ପୋଲିସ । ଜିଲ୍ଲା ପୁରୁଣାକଟକ ଥାନା ନିକଟରେ ଜଣେ ଆନ୍ତଃରାଜ୍ୟ ଅପରାଧୀକୁ କାବୁ କରିବାରେ ସଫଳ ହୋଇଛି ପୋଲିସ ।
ଅପରାଧୀକୁ ଗାଡି ଚେକିଂ ଆଳରେ କାବୁ କରାଯାଇ ଭୁବନେଶ୍ବର ଏସଟିଏଫକୁ ହସ୍ତାନ୍ତର କରାଯାଇଥିଲା । ସେହିପରି ବୌଦ୍ଧ ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ଚାରିଟି ଚୋରା ଗଞ୍ଜେଇ ଚାଲାଣ ରୋକିବାରେ ସଫଳ ହୋଇଛି । ରବିବାର ଏକ ବାଇକରେ ଚୋରା ଚାଲାଣ ଗଞ୍ଜେଇକୁ ଦୁଇ ଜଣ ଖାକିଧାରୀ ଡିଲ କରି ଛାଡିଦେଉଥିବା ବେଳେ ବୌଦ୍ଧ ପୋଲିସ କାବୁ କରି ଗଞ୍ଜେଇ ସହିତ ଜଣଙ୍କୁ ଗିରଫ କରିଛି । ଏନେଇ ବୌଦ୍ଧ ଏସପି ଇଟିଭି ଭାରତକୁ ବିସ୍ତୃତ ସୂଚନା ଦେଇଛନ୍ତି । ସେପଟେ ଜିଲ୍ଲାର ପୋଲିସ କନେଷ୍ଟବଳ ଓ ହାବିଲଦାର ସଂଘର କର୍ମକର୍ତ୍ତାଙ୍କୁ ଭେଟି ଶୁଭେଚ୍ଛା ଜଣାଇଛନ୍ତି ଏସପି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
