ବୌଦ୍ଧ: ବୌଦ୍ଧ ଜିଲ୍ଲାର ବିଭିନ୍ନ ସମବାୟ ସମିତି ଓ ସାର ଡିଲର ଦୀର୍ଘ ମାସେ ହେଲା ୟୁରିଆ ସାର ପାଇଁ ଚାଷୀଙ୍କୁ ନୟାନ୍ତ କରିସାରିଲେଣି । କେଉଁଠାରେ ପ୍ୟାକ୍ସ ସମ୍ପାଦକ ଦୁର୍ନୀତି କରି ସାର ଗାୟବ କରିଦେଲାଣି ତ କେଉଁ ସାର ଡିଲର ରାତାରାତି ୟୁରିଆ କଳାବଜାରୀ କରି ବିକ୍ରି କରିଦେଲାଣି । ସେପଟେ ଅସହାୟ ଗରିବ ଚାଷୀ ଏଆରସିଏସ ଓ କୃଷି କାର୍ଯ୍ୟାଳୟକୁ ଦୌଡ଼ି ଦୌଡ଼ି ଥକି ଗଲେଣି ।
ଦୀର୍ଘ ପ୍ରାୟ ମାସେ ହେଲା ଚାଷୀର ଏଭଳି କରୁଣ ଚିତ୍ରକୁ ନେଇ ଇଟିଭି ଭାରତରେ ବାରମ୍ବାର ଖବର ପ୍ରସାରଣ ପରେ ଆଜି ବୌଦ୍ଧରେ ରାଜ୍ୟ କୃଷି ଯୁଗ୍ମ ନିର୍ଦ୍ଦେଶକ ପହଞ୍ଚି ଏହାର ତଦନ୍ତ ଆରମ୍ଭ କରିଥିଲେ । ସେ ବିଶେଷ ଭାବରେ ସମବାୟ ବିଭାଗ ଓ କୃଷି ବିଭାଗ ସହିତ ଜଡିତ ସମସ୍ତ ତଥ୍ୟ ସଂଗ୍ରହ କରିବା ସହ କଡା ଚେତାବନୀ ଦେଇଥିଲେ ।
ଆଜି ରାଜ୍ୟ ଅଧିକାରୀଙ୍କୁ ଜିଲ୍ଲା କିଷାନ ସଂଘର କର୍ମକର୍ତ୍ତା ଭେଟି ଏନେଇ ଅଭିଯୋଗ କରିଥିଲେ । ତେବେ ଏ ସମ୍ପର୍କରେ ରାଜ୍ୟ ଯୁଗ୍ମ ନିର୍ଦ୍ଦେଶକ ଇଟିଭି ଭାରତକୁ ବିସ୍ତୃତ ସୂଚନା ଦେଇଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
