ବୌଦ୍ଧ: ଛାତ୍ରଛାତ୍ରୀଙ୍କ ଭବିଷ୍ୟତ ସହ ଚାଲିଛି ଖେଳ । ଶିକ୍ଷକଙ୍କ ବଦଳି ଆରମ୍ଭ ହେଲେ ଆରମ୍ଭ ହୋଇଯାଉଛି ବିଦ୍ୟାଳୟରେ ତାଲାପକା ଅଭିଯାନ । ଏପଟେ ଦିନେ ନୁହେଁ କି ଦୁଇ ଦିନ ନୁହେଁ, ଅନିଶ୍ଚିତକାଳ ପର୍ଯ୍ୟନ୍ତ ସ୍କୁଲ ବନ୍ଦ ରହିବା ସହ ଛାତ୍ରଛାତ୍ରୀଙ୍କ ପାଠପଢା ମଧ୍ୟ ଅନିଶ୍ଚିତତା ଦିଗକୁ ଠେଲି ହୋଇଯାଇଛି ।
ଆଠ ଦିନ ହେବ ସ୍କୁଲରେ ତାଲା, ମଧ୍ୟାହ୍ନ ଭୋଜନରୁ ବଞ୍ଚିତ ପିଲା
ବୌଦ୍ଧର ବାଗଡିଆ ପ୍ରାଥମିକ ବିଦ୍ୟାଳୟରେ ଗତ ସୋମବାର ଦିନଠାରୁ ଜଣେ ଶିକ୍ଷକଙ୍କ ବଦଳିକୁ ନେଇ ସ୍କୁଲରେ ତାଲା ଝୁଲିଛି । ତାଲା ପୁଣି ଦିନେ କି ଦୁଇ ଦିନ ନୁହେଁ, ଦୀର୍ଘ ଆଠ ଦିନ ହେଲା ପଡିଛି । ଫଳରେ ସ୍କୁଲକୁ ପିଲା ଆସି ଗଛତଳେ ବସି ବସି ଫେରିଯାଉଛନ୍ତି ।
ଗୋଟିଏ ପଟେ ଛାତ୍ରଛାତ୍ରୀଙ୍କ ଶିକ୍ଷା ଅଧିକାର କ୍ଷୁର୍ଣ୍ଣ ହେଉଥିବା ବେଳେ ସପ୍ତାହେ ହେଲା ଛାତ୍ରଛାତ୍ରୀ ମଧ୍ୟାହ୍ନ ଭୋଜନରୁ ବଞ୍ଚିତ ।
ତେବେ ଶିକ୍ଷକଙ୍କ ବଦଳି ଯୋଗୁଁ ଅବିଭାବକଙ୍କୁ ଠୁଳକରି ସ୍କୁଲରେ ତାଲା ପକାଯିବା ଓ ପିଲାଙ୍କ ଭବିଷ୍ୟତ ସହ ଖେଳାଯିବା କେତେ ଦୂର ଯୁକ୍ତିଯୁକ୍ତ ସେନେଇ ପ୍ରଶ୍ନ ଉଠିଛି ।
ବୌଦ୍ଧର ସତ୍ୟ ନାରାୟଣ ପାଣି, ଇଟିଭି ଭାରତ
