ବୌଦ୍ଧ: ଘରଡିହର ପଟ୍ଟା ହାତରେ ଅଛି । ମାତ୍ର ଏହା କୌଣସି ସରକାରୀ କାମରେ ଲାଗୁନାହିଁ । ଏଭଳି ଘଟଣା ଦେଖିବାକୁ ମିଳିଛି ବୌଦ୍ଧ ଜିଲ୍ଲାର ପୁରୁଣା କଟକସ୍ଥିତ ଇନ୍ଦିରା କଲୋନୀରେ ।
ବହୁବର୍ଷ ପୂର୍ବରୁ ଏଠାକାର ଆଦିବାସୀଙ୍କୁ ଥଇଥାନ କରିବାକୁ ସରକାର ଚାରି ଡେସିମିଲ ଲେଖାଏଁ ଘରଡିହ ପଟ୍ଟା ପ୍ରଦାନ କରିଥିଲେ । ମାତ୍ର ପରବର୍ତ୍ତୀ ସମୟରେ ହୋଇଥିବା ସେଟେଲମେଣ୍ଟରେ ଉକ୍ତ ସ୍ଥାନକୁ ଗୋଚର ଦର୍ଶାଗଲା । ଫଳରେ ଏବେ ଇନ୍ଦିରା କଲୋନୀ ବସ୍ତି ବାସିନ୍ଦା ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।
ପିଲାଙ୍କ ପାଠପଢାଠାରୁ ଆରମ୍ଭ କରି ବାସିନ୍ଦା ପ୍ରମାଣପତ୍ର ଓ ଅନ୍ୟାନ୍ୟ ସରକାରୀ ଯୋଜନାରୁ ବଞ୍ଚିତ ହୋଇଛନ୍ତି ଏହି ଆଦିବାସୀ ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଏନେଇ ବୌଦ୍ଧ ଉପଜିଲ୍ଲାପାଳ ଏନ୍ସି ଜ୍ୟୋତି ରଞ୍ଜନ ନାଏକ ଓ ହରଭଙ୍ଗା ତହସିଲଦାର ବବିତା ଦଳବେହେରା ବସ୍ତିକୁ ଯାଇ ସ୍ଥାନୀୟ ଲୋକଙ୍କ ସହ ଆଲୋଚନା କରି ସରକାରୀ ନିୟମ ଅନୁଯାୟୀ ପଦକ୍ଷେପ ନେବା କହିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
