ବୌଦ୍ଧ: ଲକଡାଉନ ସମୟରେ ପରିବା ବଜାରରେ ଅସମ୍ଭାଳ ଭିଡ । ଅମାନିଆଙ୍କୁ ସାବାଡ କରି ପରିବା ବଜାରରେ ପ୍ରଶାସନ ପକ୍ଷରୁ ଚଢ଼ାଉ କରାଯାଇ ଫାଇନ ଆଦାୟ କରାଯାଉଛି ।
ଅସ୍ଥାୟୀ ପରିବା ବଜାରରେ ପ୍ରଶାସନର ଚଢ଼ାଉ, ଫାଇନ ଦେଲେ ଉଲ୍ଲଙ୍ଘନକାରୀ
ଏହିସମୟରେ କୋରୋନା କଟକଣା ଉଲ୍ଲଙ୍ଘନ ଅଭିଯୋଗରେ ଅନେକ ପରିବା ବ୍ୟବସାୟୀଙ୍କ ଠାରୁ ଫାଇନ ଆଦାୟ କରାଯାଇଛି । ବୁଧବାର ଠାରୁ ଏହି ଚଢ଼ାଉ ଆହୁରି ଯୋରଦାର କରାଯିବ ବୋଲି ପୌର ଅଧିକାରୀ ସୂଚନା ଦେଇଛନ୍ତି । କିନ୍ତୁ ପୌର ବିଭାଗର ଅବହେଳା ଯୋଗୁଁ ପରିବା ବଜାରରେ ଏଭଳି ଅବ୍ୟବସ୍ଥା ସୃଷ୍ଟି ହୋଇଥିବା ବ୍ୟବସାୟୀ ଅଭିଯୋଗ କରିଛନ୍ତି । ସେପଟେ ସରସରା ଗ୍ରାମକୁ 4 ଦିନ ପାଇଁ ସଟଡାଉନ ଘୋଷଣା କରାଯାଇ ଥିବାବେଳେ ଗ୍ରାମର କେତେକ ଅମାନିଆ ବାରିକେଟ ଭାଙ୍ଗି ଦେଇଥିବା ଜଣାପଡିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
