ବୌଦ୍ଧ: ପାଞ୍ଚ ଦିନର ସଟଡାଉନ ପରେ ଆଜି ଅତ୍ୟାବଶ୍ୟକୀୟ ସାମଗ୍ରୀ ଉପରେ ପ୍ରଶାସନର କୋହଳ ସବୁ କୋଭିଡ ନିୟମକୁ ଜଳାଞ୍ଜଳି ଦେଇ ଦେଇଛି। ସାମାଜିକ ଦୂରତାକୁ ଫୁ କରି ଜନଗହଳିରେ ପୁରି ଉଠିଥିଲା ବଜାର । ଏନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଗତ ବୁଧବାର ଠାରୁ ବୌଦ୍ଧ ଜିଲ୍ଲାକୁ ସମ୍ପୂର୍ଣ୍ଣ ସଟଡାଉନ ଘୋଷଣା କରାଯାଇଥିଲା । ଇତି ମଧ୍ୟରେ ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା 151 ହୋଇସାରିଥିବା ବେଳେ ଦୀର୍ଘ ପାଞ୍ଚ ଦିନ ପରେ ସଟଡାଉନ ନିୟମରେ କିଛି କୋହଳ କରାଯାଇଥିଲା ।
ବିଶେଷ ଭାବରେ ଅତ୍ୟାବଶ୍ୟକୀୟ ସାମଗ୍ରୀ ଉପରେ କଟକଣା କୋହଳ କରାଯାଇଥିବା ବେଳେ ସୋମବାର ଦୋକାନ ବଜାରରେ ଅସମ୍ଭବ ଭିଡ଼ ସମସ୍ତଙ୍କୁ ଚିନ୍ତାରେ ପକାଇଥିଲା । ରାକ୍ଷୀ ପୂର୍ଣ୍ଣିମା ଯୋଗୁଁ ବିଭିନ୍ନ ଦୋକାନରେ ପ୍ରବଳ ଭିଡ ପରିଲକ୍ଷିତ ହୋଇଥିଲା । ବଜାରରେ ସାମାଜିକ ଦୂରତା ସମ୍ପୂର୍ଣ୍ଣ ଉଭାନ ହୋଇଯାଇଥିଲା । ଏନେଇ ବୁଦ୍ଧିଜୀବୀ ପ୍ରତିକ୍ରିୟା ପ୍ରକାଶ କରିଥିବା ବେଳେ ଛାତ୍ରଛାତ୍ରୀଙ୍କ ଭବିଷ୍ୟତକୁ ନେଇ ପ୍ରଶାସନ ଦୃଷ୍ଟି ଦେବାକୁ ଅଭିଭାବକ ଦାବି କରିଛନ୍ତି।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
