ବୌଦ୍ଧ: ଆସନ୍ତାକାଲି(ଶନିବାର) ପଞ୍ଚାୟତ ନିର୍ବାଚନର ଭୋଟ ଗଣତି ଆରମ୍ଭ ହେବ । ଏନେଇ ବୌଦ୍ଧ ଜିଲ୍ଲା ପ୍ରଶାସନ ପକ୍ଷରୁ ଭୋଟ କାଉଣ୍ଟିଂ ପାଇଁ ପ୍ରସ୍ତୁତି ପର୍ବ ଶେଷ ହୋଇଛି । ଜିଲ୍ଲାର ତିନୋଟି ବ୍ଲକରେ ଗତ 16,18 ଓ 20ରେ ତିନୋଟି ପର୍ଯ୍ୟାୟରେ ମତଦାନ ହୋଇଥିଲା ।
ଏହାବି ପଢନ୍ତୁ : Vote Counting: ଶନିବାର ସକାଳ ୮ଟାରୁ କାଉଣ୍ଟିଂ, ବିଜୟ ଉତ୍ସବକୁ ବାରଣ
କେତେକ ସ୍ଥାନରେ ମତଦାନକୁ ନେଇ ସମସ୍ୟା ଉପୁଜିଥିବା ବେଳେ ଆପାତତଃ ଶାନ୍ତି ଶୃଙ୍ଖଳାର ସହିତ ମତଦାନ ଅନୁଷ୍ଠିତ ହୋଇଥିଲା । କେବଳ ଜିଲ୍ଲାର ଚାଉଁରୀଆପଦର ବୁଥରେ ସାନି ମତଦାନ ହୋଇଥିବା ବେଳେ ଜିଲ୍ଲାର କଣ୍ଟାମାଳ, ବୌଦ୍ଧ ଓ ହରଭଙ୍ଗା ବ୍ଲକ ଠାରେ ମତଦାନ ବାକ୍ସ ଗୁଡିକୁ ପ୍ରଶାସନ ପକ୍ଷରୁ ସୁରକ୍ଷା ବଳୟ ଭିତରେ ରଖାଯାଇଛି । ଜିଲ୍ଲାର ସମୁଦାୟ ଅଠର ଶହରୁ ଉର୍ଦ୍ଧ୍ବ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରିତ ହେବ ।
ଆସନ୍ତାକାଲି (ଶନିବାର) ଜିଲ୍ଲାର ଏକ ନମ୍ବର, ଚାରି ନମ୍ବର ଓ ସାତ ନମ୍ବର ଜୋନ ପ୍ରାର୍ଥୀଙ୍କ ସହ ଏହି ଜୋନ ଅଧିନରେ ଆସୁଥିବା ସମସ୍ତ ପଞ୍ଚାୟତର ଫଳାଫଳ ପ୍ରକାଶ ପାଇବ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
