ବୌଦ୍ଧ: କନ୍ଧମାଳ ଲୋକସଭା ଅନ୍ତର୍ଗତ ବୌଦ୍ଧ ଜିଲ୍ଲାରେ ରହିଛି 2ଟି ନିର୍ବାଚନମଣ୍ଡଳୀ । ବୌଦ୍ଧର 86ନଂ ନିର୍ବାଚନମଣ୍ଡଳୀର ହରଭଙ୍ଗା ବ୍ଲକ୍, ଯାହା ମାଓ ଅଧିସୂଚିତ ଅଞ୍ଚଳ ଅନ୍ତର୍ଗତ ଅଟେ । ତେବେ ମାଓ ପ୍ରବଣ ଅଞ୍ଚଳ ଘୋଷିତ ଅଞ୍ଚଳ ପଞ୍ଚାୟତ ଗୁଡିକ ହେଲା କୁସଙ୍ଗ, ତଳଗାଁ ମହାଲିକ୍ପଡା ଓ ଆଡେଳିଗଡ ।
ଭିଡିଓ ସୌଜନ୍ଯ: ପ୍ରତିନିଧି, ବୌଦ୍ଧ
ଏହି ମାଓପ୍ରବଣ ପଞ୍ଚାୟତର ଅରଖପଦର ଗାଁରେ ଇଟିଭି ଭାରତର ପ୍ରତିନିଧିଙ୍କ ନିକଟରେ ଭୋଟରମାନେ ନିଜର ମତଦାନ ତାଙ୍କର ପ୍ରଥମ ଅଧିକାର ବୋଲି ପ୍ରକାଶ କରିଛନ୍ତି ।
ପ୍ରତିକୂଳ ପାଣିପାଗ ସାଙ୍ଗକୁ ମାଓବାଦୀଙ୍କ ଧମକକୁ ଖାତିର ନକରି ନିଜର ଅଧିକାର ଜାହିର କରି ବେଶ୍ ଖୁସି ଥିବା କହିଛନ୍ତି ଜଣେ ଭୋଟର । ଅଞ୍ଚଳର ବିକାଶ ପାଇଁ ମତଦାନ ନିହାତି ଜରୁରୀ । ତେଣୁ ଉତ୍ସାହ ସହ ଭୋଟ ଦେବାକୁ ଆସିଥିବା ମଧ୍ୟ ଅଞ୍ଚଳବାସୀ କହିଛନ୍ତି ।
ସୂଚନାଥାଉକି, ବୁଧବାରଦିନ କନ୍ଧମାଳର ଏକ ମାଓପ୍ରବଣ ଅଞ୍ଚଳରେ ଜଣେ ପୁଲିଙ୍ଗ୍ ଅଫିସରକୁ ମାଓବାଦୀମାନେ ଗୁଳି କରି ହତ୍ୟା କରିଛନ୍ତି ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
