ବୌଦ୍ଧ: ଆରମ୍ଭ ହେଲା ନବରାତ୍ର ପୂଜା । ମା’ଙ୍କ ଧରାବତାରଣ ଅବସରରେ ବୌଦ୍ଧ ଜିଲ୍ଲାର ଶାରଦୀୟ ଦୁର୍ଗାପୂଜା ଏକ ସ୍ବତନ୍ତ୍ର ସ୍ଥାନ ଅଧିକାର କରିଥାଏ ।
ଭିଡିଓ ସୌଜନ୍ୟ : ପ୍ରତିନିଧି,ବୌଦ୍ଧ
ବୌଦ୍ଧରେ ଆରମ୍ଭ ହେଲା ନବରାତ୍ର ପୂଜା । ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ମା ଦୁର୍ଗାଙ୍କ ନବରାତ୍ର ପୂଜା ପରମ୍ପରା ପ୍ରଚଳିତ ହୋଇଆସୁଛି । ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଅନୁଷ୍ଠିତ ନବରାତ୍ର ପୂଜା ମଧ୍ୟରୁ ବୌଦ୍ଧ ମାଳିସାହି ରେ ଅନୁଷ୍ଠିତ ନବରାତ୍ର ପୂଜା ଗଡଜାତ ଶାସନ କାଳରୁ ଅନୁଷ୍ଠିତ ହୋଇଆସୁଛି । ସନ୍ଧ୍ୟାରେ ବେଲ ବରଣ ପରେ ମା’ ଦୁର୍ଗାଙ୍କ ଆବାହନ କରି ପୂଜାର୍ଚ୍ଚନା ଆରମ୍ଭ କରାଯାଇଛି । ଏହି ଅବସରରେ ସ୍ଥାନୀୟ ଭକ୍ତ ଓ ଶ୍ରଦ୍ଧାଳୁ ମାଳିସାହି ପୂଜାମଣ୍ଡପରେ ଉପସ୍ଥିତହୋଇ ମାଦୁର୍ଗାଙ୍କ ଦର୍ଶନ କରିଥିଲେ ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
