ବୌଦ୍ଧ: ଜିଲ୍ଲାରେ ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ କରିଛନ୍ତି ବିଧାୟକ । ମୌଳିକ ସୁବିଧା ପାଇଁ ନିର୍ମାଣ ହୋଇଥିବା କେତେକ ପ୍ରକଳ୍ପର ଉଦଘାଟନ କରି ଥିବାବେଳେ ଆଜି ବି ବୌଦ୍ଧର ବିଭିନ୍ନ ଗ୍ରାମକୁ ମୌଳିକ ସୁବିଧା ପହଞ୍ଚି ପାରିନଥିବା ଜିଲ୍ଲା ପରିଷଦ ସଭ୍ୟଙ୍କ ଅଭିଯୋଗ ।
ସୂଚନା ଅନୁଯାୟୀ ଗୁରୁବାର ବୌଦ୍ଧ ଜିଲ୍ଲା ହରଭଙ୍ଗା ବ୍ଲକର ବିଭିନ୍ନ ସ୍ଥାନରେ ନିର୍ମାଣ ହୋଇଥିବା ପ୍ରକଳ୍ପ ଉଦଘାଟିତ ହୋଇଛି । ବୌଦ୍ଧ ବିଧାୟକ ପ୍ରଦୀପ କୁମାର ଅମାତ ଏସବୁ ପ୍ରକଳ୍ପକୁ ଉଦଘାଟନ କରିଛନ୍ତି । ହରଭଙ୍ଗା ବ୍ଲକ ପୁରୁଣାକଟକ ଠାରେ ଛାତ୍ରୀ ନିବାସ, 100 ଶଯ୍ୟା ବିଶିଷ୍ଟ ଛାତ୍ର ନିବାସ, ଶଙ୍କୁଳେଇ ଠାରେ ପାନୀୟ ଜଳ ପ୍ରକଳ୍ପ, ଅତଳସରା ଓ ଆଢେଣୀଗଡ ଠାରେ ଅଙ୍ଗନ ବାଡି କେନ୍ଦ୍ର ଭଳି ବିଭିନ୍ନ ପ୍ରକଳ୍ପର ଉଦଘାଟନ କରିଛନ୍ତି ବିଧାୟକ । ତେବେ ହରଭଙ୍ଗା ବ୍ଲକର ଅନେକ ଗାଁକୁ ଆଜି ପର୍ଯ୍ୟନ୍ତ ରାସ୍ତା, ପାନୀୟଜଳ, ବିଦ୍ୟାଳୟ ଓ ବିଦ୍ୟୁତ ଭଳି ମୌଳିକ ସୁବିଧା ପହଞ୍ଚି ପାରି ନ ଥିବାରୁ ଏସବୁ ଅଞ୍ଚଳରେ ବିକାଶର ଆବଶ୍ୟକତା ରହିଥିବା ନେଇ 9 ନମ୍ବର ଜିଲ୍ଲା ପରିଷଦ ସଭ୍ୟ ଅବକାଶ ସାହୁ ମତ ପ୍ରକାଶ କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
