ବୌଦ୍ଧ: ଜିଲ୍ଲାର ବିଭିନ୍ନ ପଞ୍ଚାୟତରେ କୋରୋନା ସମୟରେ କେତେକ ପଞ୍ଚାୟତରେ କିରାସିନିର ବ୍ୟାପକ କଳାବଜାରୀ ହେଉଥିବା ବିଭିନ୍ନ ରାଜନୈତିକ ଦଳ ପକ୍ଷରୁ ଅଭିଯୋଗ ହୋଇଛି । ଏନେଇ ଜିଲ୍ଲା ବିଜେପି ପକ୍ଷରୁ ବୌଦ୍ଧ ଜିଲ୍ଲାପାଳଙ୍କୁ ଭେଟି ଏ ସମ୍ପର୍କରେ ଆଲୋଚନା କରାଯାଇଥିବା ବେଳେ ଜିଲ୍ଲା ପରିଷଦ ସଭ୍ୟଙ୍କ ଅଭିଯୋଗ ପରେ ହରଭଙ୍ଗା ବ୍ଲକର ଦୁଇ ତିନୋଟି ପଞ୍ଚାୟତରେ ଯୋଗାଣ ସହାୟକ ହିତାଧିକାରୀଙ୍କ ବଳକା ଅର୍ଥ ଫେରାଇଥିଲେ । ଯାହା ବର୍ତ୍ତମାନ ଚର୍ଚ୍ଚାର ବିନ୍ଦୁ ପାଲଟିଛି ।
ମହାମାରୀ ସମୟରେ ବୌଦ୍ଧରେ କିରାସିନି କଳାବଜାର ଅଭିଯୋଗ
ସେପଟେ ଏବେବି କିଛି ନିର୍ଦ୍ଦିଷ୍ଟ ପଞ୍ଚାୟତରେ କିରାସିନିର କଳାବଜାର ହେଉଥିବା ଅଭିଯୋଗ ହୋଇଛି । ତେବେ ସରକାରଙ୍କ ଧାର୍ଯ୍ୟ ଦର ବିଭିନ୍ନ ସମୟରେ ବଦଳୁଥିବା ଯୋଗୁଁ ଏଭଳି ସମସ୍ୟା ସୃଷ୍ଟି ହୋଇଥିବା ଯୋଗାଣ ଅଧିକାରୀ ସଫେଇ ଦେଇଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
