ବୌଦ୍ଧ: ସରକାରୀ ଜାଗାରେ ଘର କରି ବସବାସ କରୁଥିବା ଗରିବଙ୍କୁ ଉଚ୍ଛେଦ କରାଯିବା ପ୍ରସଙ୍ଗ । ଏନେଇ ପ୍ରଶାସନର ଦ୍ବାରସ୍ଥ ହୋଇଛନ୍ତି 10ରୁ ଊର୍ଦ୍ଧ୍ବ ପରିବାର ।
ସୂଚନାନୁସାରେ, ବୌଦ୍ଧ ଜିଲ୍ଲା ସଦର ମହକୁମା ଫେରିଘାଟ ନିକଟରେ ଦୀର୍ଘ 20 ବର୍ଷରୁ ଊର୍ଦ୍ଧ୍ବ ସମୟ ଧରି ସରକାରୀ ଜାଗାରେ ଝୁପୁଡି ଘର କରି ବସବାସ କରୁଛନ୍ତି ଅନେକ ଗରିବ ପରିବାର । ଉକ୍ତ ପରିବାରର ଲୋକମାନେ ଛୋଟମୋଟ କାମ କରି ପରିବାର ପ୍ରତିପୋଷଣ କରନ୍ତି । ହେଲେ ବର୍ତ୍ତମାନ ଉକ୍ତ ସରକାରୀ ଜାଗାକୁ ଅବକାରୀ ବିଭାଗକୁ ହସ୍ତାନ୍ତର କରାଯାଇଥିବାରୁ ସେଠାରେ ଦୀର୍ଘ ଦିନରୁ ବସବାସ କରୁଥିବା ପରିବାରଙ୍କୁ ଉଚ୍ଛେଦ କରାଯିବ । ଏନେଇ ସୂଚନା ମିଳିବା ପରେ ସେଠାରେ ବସବାସ କରୁଥିବା ଗରିବ ପରିବାରମାନେ ବର୍ତ୍ତମାନ କେଉଁଠି ଆଶ୍ରୟ ନେବେ ସେହି ଚିନ୍ତାରେ ରହିଛନ୍ତି । ଆଉ ପ୍ରଶାସନର ଦ୍ବାରସ୍ଥ ହୋଇଛନ୍ତି ।
ସେପଟେ ଏହି ପରିବାର ଗୁଡିକ ବିହାର ଅଞ୍ଚଳର ହୋଇଥିବାରୁ ଏମାନଙ୍କ ଥଇଥାନ କିଭଳି କରାଯିବ ସେ ନେଇ ମଧ୍ୟ ସମସ୍ୟା ରହିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
