ବୌଦ୍ଧ: କନ୍ୟାଭ୍ରୁଣ ନଷ୍ଟ ଏବେବି ସମାଜରେ ଚାଲି ଥିବାବେଳେ କନ୍ୟା ସନ୍ତାନ ଆପଣାଇ ଅନ୍ୟ ପାଇଁ ଉଦାହରଣ ସାଜିଛନ୍ତି ବୌଦ୍ଧର ନବଦୀପ ପ୍ରଧାନ । ଆଶ୍ଚର୍ଯ୍ୟର କଥା ପୂର୍ବରୁ ଦୁଇଟି କନ୍ୟା ସନ୍ତାନ ଥାଇ ମଧ୍ୟ ଜଣେ ଅବହେଳିତ ଝିଅକୁ ନିଜର ପୋଷ୍ୟ କନ୍ୟା ଭାବରେ ଗ୍ରହଣ କରିଛନ୍ତି ଲକ୍ଷ୍ମୀ ପ୍ରସାଦନିବାସୀ ନବଦୀପ ।
ଭିଡିୋ ସୌଜନ୍ୟ: ପ୍ରତିନିଧି, ବୌଦ୍ଧ
ସୂଚନା ଅନୁଯାୟୀ, ଚନ୍ଦ୍ରପୁର ଗ୍ରାମର ରମେଶ କର୍ମୀ ଜଣେ ଭିନ୍ନକ୍ଷମ । ତେବେ ତାଙ୍କ ସ୍ତ୍ରୀଙ୍କ ମୃତ୍ୟୁ ପରେ ଝିଅ ସ୍ନେହାର ଲାଳନପାଳନ କରିବା ତାଙ୍କ ପାଇଁ ଅସମ୍ଭବ ହୋଇପଡିଲା । ତେଣୁ ନବଦୀପ ଏହା ଜାଣିବା ପରେ ଦୁଇଟି କନ୍ୟା ସନ୍ତାନଙ୍କ ପିତା ହୋଇଥିବା ସତ୍ତ୍ବେ ସେ ସିଡବ୍ଲୁସିର ଅନୁମତି କ୍ରମେ ସ୍ନେହାକୁ ପୋଷ୍ୟ କନ୍ୟା ରୂପେ ଗ୍ରହଣ କରିଛନ୍ତି ।
ତେବେ ନବଦୀପଙ୍କ ରୋଜଗାର ସେତେ ଆଖିଦୃଶିଆ ନ ହୋଇଥିଲେ ବି ମାନବିକତାର ଯେଉଁ ଉଦାହରଣ ସୃଷ୍ଟି କରିଛନ୍ତି, ସେଥିପାଇଁ ତାକୁ ସମାଜର ବିଭିନ୍ନ ମହଲରୁ ସ୍ବାଗତ କରାଯାଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
