ବୌଦ୍ଧ: ହରଭଙ୍ଗା ଅଞ୍ଚଳରେ ନାବାଳିକା ଗଣଦୁଷ୍କର୍ମ ଘଟଣା । ଘଟଣାର ତିନି ଦିନ ପରେ ଦୁଇ ଅଭିଯୁକ୍ତ ଅଲେଖ ଦିଗାଲ ଓ ସନ୍ତୋଷ ପ୍ରଧାନଙ୍କୁ ଗିରଫ କରି ଡାକ୍ତରୀ ମାଇନା ପାଇଁ ପଠାଇଲା ପୋଲିସ । ସେହିପରି ପୀଡିତାଙ୍କର ମଧ୍ୟ ଡାକ୍ତରୀମାଇନା କରାଯାଇଥିବା ଜଣାପଡିଛି ।
ଅଭିଯୋଗ ଅନୁସାରେ, ନାବାଳିକା ଜଣଙ୍କ କେନାଲରେ ଗାଧୋଉଥିବା ସମୟରେ ଅଭିଯୁକ୍ତମାନେ ତାଙ୍କୁ ପାଖ ଜଙ୍ଗଲକୁ ଟେକି ନେଇ ଦୁଷ୍କର୍ମ କରିଥିଲେ । ଏନେଇ ହରଭଙ୍ଗା ଥାନାରେ ଅଭିଯୋଗ ପରେ ଦୁଇ ଅଭିଯୁକ୍ତଙ୍କୁ ପୋଲିସ ଗିରଫ କରିଛି । ସେପଟେ ଦୁଇ ଅଭିଯୁକ୍ତ ନିଜକୁ ନିର୍ଦ୍ଦୋଶ କହିବା ସହ ତାଙ୍କୁ ଷଡଯନ୍ତ୍ର କରାଯାଇ ଫସାଯାଇଥିବା କହିଛନ୍ତି । ତାଙ୍କୁ ସ୍ଥାନୀୟ ସରପଞ୍ଚ ଓ ତାଙ୍କ ଭାଇ ଜାଣିଶୁଣି ଫସାଇଥିବା ଦୁହେଁ କହିଛନ୍ତି ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
