ବୌଦ୍ଧ: ରାତିର ଅନ୍ଧକାରରେ ଘଟିଲା ଦୁଇ ଦୁଇଟି ଅଘଟଣ । ଦୁର୍ବୃତ୍ତଙ୍କ ଅମାନବୀୟ କାର୍ଯ୍ୟ ଯୋଗୁଁ ଏବେ ତିନୋଟି ପରିବାର ଚିନ୍ତାରେ । ବୌଦ୍ଧ ଥାନା ଅନ୍ତର୍ଗତ ବନ୍ଧାପଥର ପଞ୍ଚାୟତ କାର୍ଯ୍ୟାଳୟ ନିକଟରେ ମଙ୍ଗଳବାର ରାତିରେ କୌଣସି ଦୁର୍ବୃତ୍ତ ଧାନଖଳାରେ ନିଆଁ ଲଗାଇ ଦେବାରୁ ସେହି ଅଞ୍ଚଳର ଅରୁଣ ପ୍ରଧାନଙ୍କ ଦୁଇ ପୁଅଙ୍କ ପାଞ୍ଚ ଏକରରୁ ଊର୍ଦ୍ଧ୍ବ ଜମି ପୋଡି ପାଉଁଶ ହୋଇଯାଇଛି । ତେବେ ବର୍ଷକ ଯାକର ଅମଳ ଧାନ ପୋଡ଼ି ପାଉଁଶ ହୋଇଯାଇଥିବା ବେଳେ ଏବେ ପରିବାର ପ୍ରତିପୋଷଣ କରିବେ ସେନେଇ ଚିନ୍ତାରେ ଅରୁଣ ପ୍ରଧାନଙ୍କ ଦୁଇ ପରିବାର ।
ଧାନ ଖଳାରେ ନିଆଁ ଲଗାଇଲେ ଦୁର୍ବୃତ୍ତ: ଜଳି ପୋଡି ପାଉଁଶ ହେଲା ବର୍ଷକର ପରିଶ୍ରମ
ସେପଟେ ବାଉଁଶୁଣୀ ଥାନା ଅଞ୍ଚଳରେ ଦିନକୁ ଦିନ ଚୋରି ବୃଦ୍ଧି ପାଇବାରେ ଲାଗିଛି । ମଙ୍ଗଳବାର ରାତିରେ ବାଉଁଶୁଣୀ ମୁଖ୍ୟ ରାସ୍ତା କଡରେ ଥିବା ଏକ ମୋବାଇଲ ଦୋକାନର ପଛ କାନ୍ଥକୁ ଖୋଳି ତିରିଶରୁ ଊର୍ଦ୍ଧ୍ବ ମୋବାଇଲ ଚୋରି କରି ନେଇଥିବା ଅଭିଯୋଗ ହୋଇଛି । ଏନେଇ ଅଞ୍ଚଳରେ ପୋଲିସ ପେଟ୍ରୋଲିଂ କଡାକଡି କରିବାକୁ ଦାବି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
