ବୌଦ୍ଧ: ଉଦ୍ୟାନ ବିଭାଗ ପକ୍ଷରୁ ମିଳିଥିବା ଫାର୍ମପଣ୍ଡ ବା ମୋ ପୋଖରୀ ଯୋଜନାରେ ଖୋଳା ଯାଇଥିବା ବନ୍ଧର ମିଳିନି ପ୍ରାପ୍ୟ । ଦୀର୍ଘ ଛ'ମାସ ହୋଇ ସାରିଥିଲେ ମଧ୍ୟ ମିଳି ନଥିବା ଅଭିଯୋଗ ହୋଇଛି । ଏପଟେ ପ୍ରାପ୍ୟ ପାଇଁ ବାରମ୍ବାର ବିଭାଗକୁ ଦୌଡିଲେ ମଧ୍ୟ କୌଣସି ସୁଫଳ ମିଳୁନାହିଁ ।
ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକର ସିମିଳିପଦର ଗାଁରେ ଉଦ୍ୟାନ ବିଭାଗ ପକ୍ଷରୁ ଚାଷୀଙ୍କୁ ସବସିଡି ଆକାରରେ ବନ୍ଧ ଖୋଳିବା ନିମନ୍ତେ ସରକାରୀ ଯୋଜନାରେ ସାମିଲ କରାଯାଇଥିଲା । ବନ୍ଧ ପିଛା ଏକ ଲକ୍ଷ ଟଙ୍କାରୁ ପଚାଶ ହଜାର ଟଙ୍କା ସରକାରୀ ରିହାତି ଆକାରରେ ହିତାଧିକାରୀଙ୍କୁ ମିଳିବା ପାଇଁ ବ୍ୟବସ୍ଥା ହୋଇଥିଲା। ବନ୍ଧ ଖୋଳା ଯିବାର ଏତେମାସ ବିତିଯାଇଥିଲେ ମଧ୍ୟ ହିତାଧିକାରୀଙ୍କୁ ଉକ୍ତ ସବସିଟି ଅର୍ଥ ମିଳିନଥିବା ଅଭିଯୋଗ ହୋଇଛି ।
ଏନେଇ ହିତାଧିକାରୀଙ୍କୁ ଅର୍ଥ ପ୍ରଦାନ ପାଇଁ ଦିନ ପରେ ଦିନ ଗଡାଉଥିଲେ ମଧ୍ୟ ବିଭାଗ ରାଜ୍ୟ ସ୍ତରରେ ସମସ୍ୟା ରହିଥିବା ସୂଚନା ଦେଇଛନ୍ତି । ଫାର୍ମପଣ୍ଡ ଦ୍ବାରା ଭଲ ଚାଷ ସହିତ ଅଏଲପାମ ଗଛ ଚାଷ କରିଥିବା ଏହି ଚାଷୀ ମାନଙ୍କ ପ୍ରାପ୍ୟ ପ୍ରଦାନ କରାଯିବାକୁ ହିତାଧିକାରୀ ମାନେ ଦାବି କରିଛନ୍ତି । ଦୀର୍ଘ ଛମାସ ପରେ ମଧ୍ୟ ମିଳିପାରୁନି ଫାର୍ମପଣ୍ଡ ସବସିଡି ଅର୍ଥ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
