ବୌଦ୍ଧ: ଚାଷୀଙ୍କୁ ପ୍ରଲୋଭନ ଦେଖାଇ ହଇରାଣ କରାଯାଉଥିବା ଅଭିଯୋଗ । ଏବେ ଅନ୍ୟ ଉପାୟ ନପାଇ ଚାଷୀ ଚାଷ ସବୁ ଜାଳିପୋଡି ନିଜେ ଆତ୍ମହତ୍ୟା କରିବେ ବୋଲି ଧମକ ଦେଇଛି । ବୌଦ୍ଧ ଜିଲ୍ଲା ଉଦ୍ୟାନ ବିଭାଗରେ ଚାଷୀଙ୍କୁ ହଇରାଣ କରାଯିବା ସହ ତାଙ୍କୁ ଆର୍ଥିକ ସହାୟତାକୁ ପ୍ରଦାନ କରାଯାଉନଥିବା ଅଭିଯୋଗ ହୋଇଛି।
ବୌଦ୍ଧ ବ୍ଲକର ଆମ୍ବଝରୀ ପଞ୍ଚାୟତ ନେନ୍ଦନ ଗ୍ରାମର ଏ ଘଟଣା । ଏଠାରେ ଧାନ ଓ ରବି ଫସଲ ଚାଷ କରୁଥିବା ଚାଷୀଙ୍କୁ ଉଦ୍ୟାନ ବିଭାଗ ପକ୍ଷରୁ ଆମ୍ବ, ଲେମ୍ବୁ, କମଳା, ପିଜୁଳି ଆଦି ଫଳ ଚାଷ କରିବା ପାଇଁ ପ୍ରବର୍ତ୍ତା ଯାଇଥିଲା । ଏଥିପାଇଁ ଉଦ୍ୟାନ ସାଥି ସହାୟତା କରିବା ସହ ଆର୍ଥିକ ସହାୟତା କରିବାକୁ ଚାଷୀଙ୍କୁ କୁହାଯାଇଥିଲା। ତେବେ ଦୀର୍ଘ ଦିନ ବିତିଗଲା ପରେ ମଧ୍ୟ ଏଠାକୁ ନା କୌଣସି ଉଦ୍ୟାନ ସାଥୀଙ୍କ ଦେଖା ମିଳିଲା ନା କୌଣସି ଆର୍ଥିକ ସହାୟତା ।
ଫଳରେ ଏବେ ଉଦ୍ୟାନ ଚାଷ କରିଥିବା ଚାଷୀ ଭାଙ୍ଗି ପଡିଛନ୍ତି। ଆଉ ଯଦି ଏସମ୍ପର୍କରେ ବିଭାଗ କୌଣସି ସହାୟତା ନକରେ ତେବେ ଚାଷ କରିଥିବା ସମସ୍ତ ଗଛକୁ ପୋଡିଦେଇ ନିଜେ ଆତ୍ମହତ୍ୟା କରିବେ ବୋଲି ଧମକ ଦେଇଛନ୍ତି।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
