ବୌଦ୍ଧ: ତାଣ୍ଡବ ରଚିଲା କାଳବୈଶାଖୀ । ଅନେକ ଗରିବଙ୍କୁ କରିଛି ବାସହରା । ଗୁରୁବାର ସନ୍ଧ୍ୟାରେ ହୋଇଥିବା କାଳ ବୈଶାଖୀ ପ୍ରଭାବରେ ବୌଦ୍ଧ ଜିଲ୍ଲାର 20ରୁ ଊର୍ଦ୍ଧ୍ବ ପଞ୍ଚାୟତର ଗରିବ ଶ୍ରେଣୀ ପ୍ରଭାବିତ ହୋଇଛନ୍ତି । ଜିଲ୍ଲାର ବାଉଁଶୁଣୀ, ତାଳସରଡା, ମୁଣ୍ଡିପଦର, ମୁଣ୍ଡାପଡା, ତେଲିବନ୍ଧ, ଖୁଣ୍ଟବନ୍ଧ ଭଳି ପଞ୍ଚାୟତ ଗୁଡିକରେ ପ୍ରବଳ ଝଡବତାସ ସହିତ କୁଆପଥର ବୃଷ୍ଟିପାତ ହୋଇଥିଲା ।
ବୌଦ୍ଧ ଜିଲ୍ଲାରେ କାଳ ବୈଶାଖୀ ପ୍ରଭାବରେ ବ୍ୟାପକ କ୍ଷୟକ୍ଷତି
କୁଆପଥର ବୃଷ୍ଟି ଯୋଗୁଁ ଅନେକ ଗରିବ ଲୋକଙ୍କ ଖପର ଓ ଆଜବେଷ୍ଟସ ଘର ଭାଙ୍ଗି ଯାଇଥିବା ବେଳେ ଝଡତୋଫାନ ଯୋଗୁଁ ବ୍ୟାପକ କ୍ଷୟକ୍ଷତି ହୋଇଛି । ଅନେକ ସ୍ଥାନରେ ଗଛ ଭାଙ୍ଗିଯାଇ ବିଦ୍ୟୁତ ସରବରାହରେ ବ୍ୟାଘାତ ସୃଷ୍ଟି ହୋଇଛି । ସେପଟେ ଅନେକ ଲୋକଙ୍କ ମୁଣ୍ଡ ଉପରେ ଛପର ନଥିବାରୁ ସେମାନେ ବାଧ୍ୟ ହୋଇ ଗଛତଳେ ଆଶ୍ରୟ ନେଇଥିବା ଜଣାପଡିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
